الثلاثاء، 8 يوليو 2008

تخاريف داخلية..........................شخبطة مع نفسي

خلصت الحكاية وانتهت الدراســــــــة
وبدات الاجازة
عايشين بقالنا يومين ورمينا الكراسة
ولا ندري لماذا

عايشين بـــــساجة
بلا غرض بلا لازمـــــة
مطنشين لكل حاجه
وضاربينها اوسخ جزمة


من البحر للبيت للقهوة ومن القهوة للبيت للبحر
ناكل نعيش ننام .............اغنام نستحق النحر

-يعني كانت ايام الدراسة اللي نافعة
يـــــــــــــــــــاعم
-بس كانت اكيد شــــــــــــــــــــــافعة
وشايلة عني الهم

كنت بحس اني مش عايش زي البيه
واديني بعمل حاجـــــــــــه
ومبفكرش انا عايش لـيـــــــــــــــــه
وحاطط دماغي ف تلاجة

هناك 18 تعليقًا:

dina seliman يقول...

جميله جدا
صادقه جدا
تحكى عن واقع يمر به كل الشباب


ابدعت

Amgad يقول...

ههههههههههههههههههههه
ميرسي بجد يادينا
ولكن هي ممكن تكون صادقة بس مش جميلة خالص لاني مش شاعر ابسوليتلي دي شخبطة بس
ميرسي علي مرورك

Unknown يقول...

امممممممممم ماشى يا عم بس ليه يعنى الجلد دة؟؟؟
الاجازة الناس بتاخدها عشان تنفض للدنيا عادى يعنى وبعدين بكرة تجرى ورا لقمة العيش وتتدعك وما تشمش الاجازة فعيش حياتك دلوقتى من غير ما تحس انك تستحق النحر

غير معرف يقول...

حلو وانت مجمد عقلك كده
لا والله هى حلوة الاجازة بس ارخم حاجة انها بتبئى وهو الجو حرررررررررر
وانا بكررره الصيف

بس جميل جميل جميل البوست .. تحياتي

PrInCeSS BeRy يقول...

ازيك يا امجد حلوة اوى بجد هية شخبطة بس مش متلخبطة منظمة وجميلة

funckydoctor يقول...

عندك حق فى موضوع التلاجة
أصل الدنيا حر
:D

دعاء مواجهات يقول...

ازيك ياأمجد باشا

انت كنت زورتنى من فترة قبل ما اسافر

وكنت عاوز تاخد البوست بتاع الاصفار وتحطة عندك

انا رديت علييك

وبجد انت نورتنى

اة متنساش اهم حاجة تحط اسمى طبعا

واللينك بتاع المدونة

هو انت ضربشمساوى ولا انا متهيألى؟؟

نورتنى

Amgad يقول...

انجي هانم
الموضوع صدقيني في اللذاذة اوي مش جلد ولا حاجه اختلف معاكي ان الاجازة الناس بتاخدها عشان تنفض للدنيا وان كنت انا لما باخدها بنفض فعلا للدنيا
وانا مستمتع جدا كده بس لما بفكر مع نفسي اوقات مش ببقي مبسوط من كده
اختلف معاكي برده اني بكره هجري ورا لقمة العيش لاني ناوي اصمم في الدور الارضي فرن بلدي اخلي المودام تخبز فيه بدل مجري ورا لقمة العيش
وبمناسبة اعيش حياتي فانا عايشها النحر ده زي مقولتلك في اللذاذة
بجد يا انجي زيارتك بيبقي ليها طعم تاني ومبحسش اني كتبت بوست الا لما اشوف تعليقك خالص تحياتي

نورا الخشن
ميرسي جدا لزيارتك وميرسي اكتر علي مجاملتك
صدقيني انا مش مجمد عقلي الموضوع شخبطة والله
نورتيني واتمني زيارتك علي طوووووووووول


princess bery
ميرسي جدا زيارتك اسعدتني وردك خلاني منشكح رغم اختلافي معاكي
لا هي متلخبطة واي كلام ولتاني مرة انا مش شاعر خالص فالموضوع انا عارف انو شبه اللي بينادي علي بطيخ وبيلحن النده بس اهي شخبطة بقي والسلام ميرسي علي مرورك ومتقطعيش الجوابات بقي خالص تحياتي

فانكي دكتور
هههههههههههههههههههه
مش هقول اكتر من ربنا معاك هيبقي حر ومزاكرة
الناس لو شافت البوست الاخير بتاعك هتعيط علي حالك
انا بقكر انشيء جمعية اسمها الحمد لله اني لست دكتورا
خالص شكري لمرورك الدائم


مواجهات هانم

لا انا مكنتش عايز اخد البوست انا كنت عايز اسرقة
ههههههههههههههههههه
طبعا الموضوع هزار ومجاملة بايخة شوية
انا ضربشمساوي نسبيا
لاني بختلف علي خالد كساب وبعض الاشياء هبقي اقولك عليها بس اكيد طبعا بقرا اللي بيتكتب وبقرا كلامك يا باشا
خالص تحياتي وتقديري

bota يقول...

السلام عليكم
طيب يا عم امجد كفايه انه من البيت للبحر والبحر للبيت
يعني الحمد لله عندك بحر امال الناس اللي من غير بحر ولا ترعه يعملو ايه
وكمان قهوة ده انا هحسدك علني بقى

اقلك بقى على سر الفراغ اللي حوالينا ده احنا اللي حاطين نفسنا فيه
لان لو الواحد عايز يستفيد من وقته ومش يضيعه هيعرف
اكيد في كورسات ممكن ياخدها
في اماكن ممكن ينزل يتدرب فيها
في كتب نفسه يقراها
في على النت حاجات ممكن تنفعه ويتعلم منها

على فكره واخد بالك انا الكلام ده بقوله لنفسي قبل اي حد بس مش بعمل بيه :(
يارب تكون اجازتك مفيده

Dr.m يقول...

السلام عليكم
الصيف مش وحش أوي كده ..
والدراسه مش حلوه أوي كده..
بس المهم نعرف احنا عايزين ايه من كل فتره
تحياتي لك
أتمنى لك أجازه سعيده مفيده
سلام

maiosha يقول...

سلام عليكم

ليه بس كل الكلام ده عن الأجازة
يعنى أحنا كنا بنعمل فى الدراسة إيه؟؟

بالعكس ده أنا الأجازة بستفيد منها أكتر من الكلية الخنيقة

بس ياريت ممكن طلب .. أنا كمان عايزة أحط دماغى فى التلاجة معاك ممكن؟؟

Amgad يقول...

bota
تعرفي بقي انك وصلتي لقمة المشكلة
وهي ان كل حد فينا بيفكر صح وقاهم كل حاجه بس بينفذ غلط وهي دي فعلا التيته
خالص تقديري وبجد انتي بقيتي احد الناس اللي لا غني عنهم في المدونة
dr.m
اوافقك تماما
بس انا مقولتش ان الصيف وحش او الدراسة حلوة
انا شايف ان الفرق في المبرر الداخلي
بس انا موافقك في الباقي
خالص تقديري لمرورك وزياراتك الدائمة

دعاء مواجهات يقول...

ازيك ياامجد

نورت بلووجى

وعادى ع فكرة حكاية اختلافك مع كساب حتى انا حاليا مختلفة معاة

وعاوزة اعرف اكتر منك ليةب قة

____________________------

قولتلى كلمة كدة فى تعليقك خليتنى احى على ملا وشى وبنهج كمااان اهووة؟؟؟

اية حكاية غيرت رايك وسامحينى؟؟؟
وضحلى مش فاهمة؟؟؟

منتظراك
بيس

Unknown يقول...

والنبى يا امجد لما تعمل الفرن ابقى صاحبنى على المودام واجى اشتغل معاكم باليومية واهو يبقى كله اكل عيش ويبقى زيتنا فى دقيقنا..........
تمام كلامك يا بيه بس انا شخصيا بحب احساس التنفيض للدنيا دة........
مش نتيجتى طلعت ونجحت مستنية النقطة .

غير معرف يقول...

هي الاغنية دي امتداد لخادنا اجلازاة وطز في الدراسة؟؟؟؟؟؟؟؟؟؟

مها ميهوووو

Amgad يقول...

maiosha
هو الفرق في المبرر بس ان الدراسة بتحسي انك بتعملي حاجه بس

انا موافق علي موضوع التلاجة بس واحده بواحده ..فاهماني طبعا؟


مواجهات
دعاء انتي اللي نورتي البلوج
غيرت رايي اكيد للاحسن وللاحسن اوي كمان
علي فكرة بيتين الشعر مش هينفع اقولهملك خاااااااااااااااالص

اوجي
ده يشرفني ويشرف المودام
وهخليها تبقي تيجي تخبز معاكي كمان
ايتها خودمة
بس ايه رايك في الحل
بيريح علي كتير من المواطنين
الجري ورا لقمة العيش
الف الف مبروك ومستنيين الحاجه الساقعة
بس ابقي قوليلي عملتي ايه في الاحصا
علي فكرة انا كمان نجحت

احسن تستاهل...مهاميهو
دي مش اغنية انتي شايفة الالحان طالعة ترف منها يعني؟؟
عموما نورتي وكيب ان تاتش

حنين.. يقول...

اصعب حاجه كانت بتواجهنى وانا صغيره, الاجازه... والمشاكل والهموم... من الابتدائى, وكنت بعيط كل يوم, لما كبرت ورحت الثانوى....... مكنش فى اجازه اصلاا ومكنتش بعمل فيها حاجه غير حططان ايدى على خدى وانتظارى للمصير, وبعد سنه اولى كليه.. دلوقتى, حطيت لنفسى شويه حاجات اعملهم....... ودلوقتى , بموت نفسى عشان احقق منهم حاجه. بس انا حاسه كل مضمون البوست, لانى كلناااااااااا بنحسه, وياريت تفكر تعمل اى حاجه, كمان ان كنت دايما اقول لصحباتى ( انى ايام الامتحانات دى ايام السلام الداخلى لاى حد فينا...... لا بنفكر فى نفسنا ولا حياتنا ولا مشا كلنا ولا هنعمل ايه بكره ولا بكره ايه....... سلام بجد) فى الاخر....... لا دراسه ولا اجازه حلوه ودا حال الدنياااااااا, تحياتى.. فى انتظار المزيد... حنين

Amgad يقول...

انا فعلا حاسس انك حسيتي البوست وفهمتيه اوي
متفق معاكي تماما في موضوع السلام الداخلي لاني انا كده فعلا وقت الامتحانات
من الكبارية للبيت ومن البيت للكباريه
اقصد من الكلية للبيت ومن البيت للكلية
لو انجلينا جولي عدت من قدامي مش هبص حتي عليها
سعيد جدا لتعليقك واتمني المداومة