الأربعاء، 6 أغسطس 2008

حبة شعر ................حاجه كده علي ما قسم


القصيدة دي قديمة اوي معايا
كنت كتبتها في تالته ثانوي
ومكانها الوحيد دماغي
حتي مكتبتهاش في اي ورقة علي وجه البسيطة الا كراسة مذاكرة واكيد مصيرها دلوقتي الريسايكلنج علي اساس اننا دولة متحضرة المهم قولت اشوف راي الناس فيها ودي احدي الحاجات القليلة اوي اللي من تفكيري الماضي لسه بعتز بيها واليكم القصيدة ان صح التعبير ................. اتمني رايكو بصراحة حتي لو كان سيء جدا



انــتي وحــدك مـــلكة الــدلال
................... وجمالك بلغ حد الكمــــــال
ولــو وصـــفتك لـــن اوفـيكي
.................. شطر حقك في الجمـــــــال
وانـــا كــالـطـفـل فـي حــبكي
................. مهما الحق عن رجولتي قال
ســاتـعـب مــعـكـي لا مــحالة
................. لان حبك صعب المنـــــــال
فــلا تـتـركـيـنـي –رافة بــي-
.. .............. حتي لا اقع في الضـــــــلال
اعـــــلـم ان حـــــبـك صــعبا
................. فلا تجعليه لي في المحــــال
هناك صراع بين قلبي وعقلي
. ............... فلا تقطعي عليا الحبـــــــال
كــي لا اسـقــط فــاموت كمن
................. يسقط من فوق الجبــــــــال
او اجـــــرح جــرحا عـمـيقـا
.................. يأبي عقلي عليه اندمــــــال
اعــلـمـي ان حــبك غـــيرني
.................. وحول حالي لاسوأ حــــال
لــعن الله الـــحب ولا رعــاه
................... فقد قيدني بالأغـــــــــــلال
وفــي الـــنهـاية اريد اجــابة
................... منكي عن هذا الســـــــؤال
هــل تــحـبـيـنـنـي ام ان كـل
................... ما اعيش فيه خيــــــــــــال
هـل تـحـبـيـنـنـي ام اقــــــتل
................... نفسي ومصيري الرمــــال
لاكــون اضـــــــــحوكة بين
................... النساء وبين الرجــــــــــال
وتـــــضرب بي –عما قليل-
.................. في التضحية الامثـــــــــال

هناك 34 تعليقًا:

د/اجدع بنوته يقول...

ههههههههههههههههه

فكرتنى بقصيده برده كنت كتبتها عن فلسطين

ايام تالته اعدادى

كان القافيه بتاعتها لام برده

والحمدلله م بعدها محاولتش ارص بيت واحد

مش قصيده

هههههههه

تجربه جيده

شوفت فيها شقاوة ثانوى وطابور الصباح

والله ايام متتعوض

تحياتى

منار يقول...

السلام عليكم ورحمة الله وبركاته

ههههههههههههههههههههههه
هههههههههههههههههههه
ههههههههههههههههه
ههههههههههههه
هههههههه

هى إيه حكاية تالته إعدادى وتالته ثانوى مع الأشعار؟؟؟

أنا برده كتبت طول تالته إعدادى شعر عن فلسطين,, وأختى فى تالته ثانوى كتبت شعر طويييل جداااا على الموبايل بس للأسف أتسرق بيه.

بين كده رقم 3 ده عاطفى أووووى.

هههههههههههه

على العموم الشعر ده جميييل جدااااا بس يا ريت متحرمناش من أشعارك على طول.

enjy يقول...

ازيك يا واد يا ميجو؟ ايه الحلاوة دى انت كنت رومانسيكى شكلك كدة...ايوة يا عم .. حلوة على فكرة ظريفة قوى شقية كدة بس والنبى يا عمونا مفيش حاجة اسمها حبكى ولا اوفيكى ولا معكى احذف حرف العلة وحط كسرة هيبقى كله تمام خلينى كدة اجرى وراك اصحح لك غلبتنى معاك... اوعى تزعل انا باهرج والله...المهم ايه الكروتة دى قلت مش عارف عندكوا غدا ايه كدة وماشفتش حاجة شكلك بتكمل اكلك نوم......
اهم حاجة بقى شكرا على سؤالك واهتمامك يا عسل تعالى عندى وانت تعرف التاخير منين..سلام يا ميجو

أية الشقية الشعنونة يقول...

بسم الله ما شاء الله
من وانتا فى 3 ثانوى
جميلة جدا
بس على الله تكون هى تستاهل
مدون قديم اهو منفاسات بقا صح
غلوش علينا ها
بجد بجد تستاهل تصفيق حاد
تحياتى

sa3at يقول...

وفــي الـــنهـاية اريد اجــابة ................... منكي عن هذا الســـــــؤال
هــل تــحـبـيـنـنـي ام ان كـل ................... ما اعيش فيه خيــــــــــــال
هـل تـحـبـيـنـنـي ام اقــــــتل ................... نفسي ومصيري الرمــــال



السلام عليكم ورحمة الله وبركاته.... .

أخي الكريم أمجد.... .

كلمات حلوة كبداية...وعلى فكرة أنصحك بجد انك تحاول تكتب تاني وتالت ومليون يا جامد.... .

تقبل احترامي وتقديري....... .

أختك أفنان محمد المغربي...... .

عاقلة علي ارض الجنون يقول...

انا كمان بقولك حاول تكتب تاني ..

بجد ابتديت أؤمن ان يولد الشعراء من رحم الشقاء .. و يخرج كلماتهم الألم


ياسمين ..

mregypt7 يقول...

السلام عليكم
ايه يا هندز التالق ده
صحيح زى ما بيقولوا الدهن فى العتاقى
معقوله يا راجل لسه فاكر من ايام الثانويه ده انا مش فاكر مين اللى رن عليا النهارده
واضح كده ان الزاكره بتاعتك بلاتين
ماشى يا عم ماحدش قدك
تلاقيك اول ما قلتها للمزه راحت فى دنيا تانيه
بس اوعى تكون صب حته واحده
اصلى عارف ازواق المهندسين هههههههههههههههههههههه
اوعى تفهمنى صح
جامد الشعر يا هندسه

Do not Press F1 يقول...

السلام عليكم
تالتة ثانوى يا مفترى حتة واحدة
وفاكرها ازاى كدا انا لازم ارقيك من كل عيون النسياين
واولهم انا لانى بنسى كل حاجه لدرجة انى وصلت لمرحلة بكتب كل حاجه
وبالنسبة للقصيدة
بص انا مش ليا اوى فى الشعر
بس عجبنى اخر بيت بتاع بيضرب بيا فى الامثال دا.

ومن الفكرة هو انت بتدخل كامفروج ؟؟
اصلى استغربت لما سالتنى السؤال دا فى مدونتى.
سلاموز.

دعاء مواجهات يقول...

ازيك يا أمجد

تجربة موفقة وتليق فعلا بهذة الأيام

تسطر تجربة ملئتها الحيرة والقلق

والخوف

دى وجهة نظرى..

____________________

كنت عاوزة اعرف لية مش بتحبذ فكرة المدونة الجديدة دى؟؟
http://llzakreeen.blogspot.com/

dina seliman يقول...

لا المره دى مش الاولى
بس والله النت فال بقاله يومين
ومش عارفه هيرجع امتى

بس بجد جميله جداااااا
وبتعبر عن المرحله اللى اتكتبت فيها جدا
بجد رووووووووعه

Walaa Elshamloul يقول...

تسلم ايدك على القصيدة الجميلة التى تتناسب مع عمرك وق كتابتها تماما
كتبت فى مدونتى
"ليا طلب صغير
تشيلي التاكيد علي التعليقات "
انا لسة مبتدئة في التدوين ولم افهم عبارتك
يعنى ايه يا باشمهندس ولمواخذة يعني؟

Amgad يقول...

د اجدع بنوتة
انا برده من ايام القصيدة دي اشعاري قليلة اوي ان جاز التعبير اني شاعر اساسا
وان كنت مؤمن نسبيا بنفسي في اطار التجربة الشعرية
يعني لما بتحصل حاجه احيانا بتجوش مشاعري تجاه الموضوع وممكن اكتب فيه
حاولي تكتبي تاني وشرف لينا ياباشا ان قافيتنا تبي واحده
تحياتي لمرورك واستمري

Amgad يقول...

منار
عزائي لفقدانك موبايل اختك
وميرسي لمجاملتك وحاولي تستمري

Amgad يقول...

انجي
ياااااااااااه
انا رومانسيكي من زمان وانت اللي مش حاسس
والله يا ستي انا عارف ان مفيش الكلام ده
بس عملتها تجاوزا عشان النطق وعشان موضوع الكسرة ده مجاش في دماغي
انا قولتلك الغدا ايه بس في تعليق قبل كده
يا رب يا ستي ترجعي بالسلامة وتبقي الدنيا زي الفل

Amgad يقول...

ايه الشقية الشعنونة
ههههههههههههههههههههه
لا مخلاص بقي كل سنة وانتي طيبة
دي زمان عنده عيال دلوقتي
ربنا يخليكي علي التصفيق
واتمني ان اكون عند حصن زنك

Amgad يقول...

افنان
احنا نيجي ايه جمبك بس ياباشا
طيب دول شوية شعر ملعبكين
ومش مفهومين نيجي ايه جمب الاشواق اللي عندك بس
اما اني احاول اكتب تاني وتالت لان دي بداية حلوة
فهتخليني انزل البوست اللي بالي بالك
اظن فاهماني انتي اه

Amgad يقول...

ياسمين
ده علي اساس اني كنت بايت في المعتقل امبارح ولا انا كاتب شعر سياسي
عموما يولد الشعراء كرد فعل للتجربة الشعرية يعني لو واحد حب اوي
وعنده شبه موهبة بيبدع في الحب
ولو واحد حس اوي باي حاجه اوجاع امته اوجاع الحياه حب الله
هتلاقيه بيبدع برده
طبعا انا مش كده خالص
انا مجرد مجتهد ولكن يولد الشعراء كرد فعل للتجربة الشعرية

Amgad يقول...

مستر ايجبت
مش انت بتاع العمارة تعتمد علي الجمال ولاشيء غيره
ماشي يا عم
بس الدهن في العتاقي دي مالها ومال موضوعنا
اما موضوع الذاكرة ده فمش بلاتين ولا نيلة بس القصيدة دي كنت فاكرها علي طول بس
نفسي تغير ثقافة المزة اللي عندك
وتكون عندك فكرة افضل عن المراة بشكل عام
مش فاهم يعني ايه اوعي تكون صب حتة واحده
انا فاهمك صح وانت شاب زي الفل
ميرسي علي مرورك يا زمل

Amgad يقول...

دونت بريس اف وان
ربنا يخليكي علي زوقك
والرقوة مقبولة ولتاني مرة
القصيدة دي بس اللي فاكرها
عجبك تضرب بي الامثال
ههههههههههههههههههه
ماشي يا ستي بس خلي بالك من الشعر بعد كده عشان الروابط بين النثر والشعر
مش معقول تبقي جامده في واحد وملكيش في التاني
خالص تحياتي

Amgad يقول...

دعاء مواجهات


تسطر تجربة ملئتها الحيرة والقلق

والخوف
معاكي حق بس مش كلها حيرة وقلق وخوف يعني

ميرسي لمرورك

Amgad يقول...

دينا سليمان
ميرسي علي مجاملتك
ويارب النت يرجع يا ستي

Amgad يقول...

ولاء الشملول
بجد رايك ده شهاده اعتز بيها
شيل التاكيد ده ولا مؤاخذه يعني
عشان نعرف نبعت علي طول
جديده في عالم التدوين ولكنك قديمة جدا في الكتابة
شكرا لمرورك

PrInCeSS BeRy يقول...

هاى

حلوة اوى وبداية جميلة وان شاء الله مش نهاية لانك بتكتب حلو اوى ربنا يحميك ويزيدك

حاجات جوايا يقول...

السلام عليكم
بالنسبة للقصايد ياما كتبنا وفعلا فى حاجات بتعتز بيها عن غيرها
بس واضح انك موهوب من صغرك ما شاء الله

على فكرة انا عايزة اوضحلك انى مزعلتش ولا حاجة أنا رديت عادى خالص
وبما انك بلدياتى تبقى فاهم طبيعة الحياة عندنا والتى لا تقتصر على فئة محددة رغم اعتزازى بها إلا انى احببت توضيح باقى الجوانب

تسعدنى زيارتك دائما
وانتظرك فى مدونتى الاخرى " واحة الفكر والقلم " للمشاركة فى حملة مساعدة اطفال الشوارع على الرابط التالى :

http://wa7et-elfkr.blogspot.com/2008/08/blog-post.html


خالص احترامى

سالى

almasry يقول...

ياعم الحبيب


معجبنيش خالص تعليقك عند مدونة يوميات طالبه فاشله .. أحب اعرفك ان اى مدونه بتعبر عن فكر صاحبها وهو ليه حرية الكتابه فيها ولك حرية دخولها من عدمه يعنى انا مثلا معتم بالشئون السياسيه فعلا على قدى لكنها خطوه على الطريق



وعلى فكره كلماتك لمست حاجات كتير فى قلبى



تحيـــــــاتى
المصـــــــــــرى

عاقلة علي ارض الجنون يقول...

مممممممم

انت قولت فيه بوست جديد راح فييييييين ؟؟

و إيه الصوره الجديده اللي في البروفايل دي ؟؟؟

عجيبه شويه !!

تحياتي ..

عاقلة علي ارض الجنون يقول...

ليك تاج عندي علي فكره اتمني تيجي تاخده

ياسمين

نوته و قلم

Amgad يقول...

برينسيس بيري
ميرسي ليكي بجد
مجاملة رقيقة اتمني اكون فعلا عند حسن ظنك

Amgad يقول...

حاجات جواكي
هههههههههههههههه جواكي انتي اه
عارف انك مزعلتيش لان الموضوع كان هزار
ويشرفني يا باشا اننا بلديات
ومعني كده اني مش بتكلم جد طبعا
لان مفيش حد بيتريق علي بلدياته
انشاء الله اقدر اساعد في حملة اطفال الشوارع
وتشرفني دعوتك
خالص احترامي انا كمان

Amgad يقول...

المصري
ميرسي خالص علي رايك
وانا مبسوط اوي بصراحتك في الاختلاف معايا
ولكن احنا مش مختلفين
بس في سوء فهم بسيط في التعليق تم توضيحة في المدونة المذكورة
وميرسي لان كلماتي لمست حاجات جواك
ايه حكاية حاجات جوايا النهارده
وعشان كده انت بقي اللي حبيب مش انا
ياعم المهتم بالشئون السياسية
خالص تقديري

Amgad يقول...

ياسمين
البوست نزل بحمد الله
الصورة دي تخيل لشكلي
في المستقبل نتيجة الاوضاع اللي انا عايشها
اعتقد كل مواطن هيحصله كده
ميرسي علي التاج
وتقبلي خالص اعتذاري وتقديري

norahaty يقول...

السلام عليكم ورحمة الله وبركاته
حلوة القصيدة والحمد لله انك لسه فاكرها للحين والا ما كنا استمتعنا بها تانى .

Amgad يقول...

نورهاتي
ميرسي علي زوقك
ربنا يخليكي
لامتعة ولا حاجه
دي كانت شخبطة ولسه فاكرها

غير معرف يقول...

السلام عليكم اخي الكريم .أولا مبارك عليك الرحلة وعقبال رحلات أخرى, عرض جيد وصور ومعلومات أجود. . ثانيا, مدونة متميزة أسأل الله لك التوفيق. .يوم سعيد.