الخميس، 27 نوفمبر 2008

ده ايه الهنا اللي احنا فيه ده

الحكاية ايه بقي
بيقولك امام الجامع بتاع السويس
اخر صلاة الظهرنص ساعة عشان سيادة رئيس الوزراء
اللي نفسي قبل مموت حد يقولي لازمته ايه يلحق يصليها
وانا بدوري بقول للامام براحتك يا عم ده رئيس الوزرا برده مش بس كده
دانا بطالب وزارة الاوقاف انها تديك اوفر تايم علي النص ساعة الزياده دي في الجامع
بس مش حرام عليك يا راجل تخليه يصلي اربع ركعات
كنت خليهم اتنين بس عشان وسط سيادته
ده برده ثروة قومية ولازم نحافظ عليها
ودعوني اطرح سؤال علي الامام العلامة
هل يجوز تاخير الصلاة نصف ساعة حتي يتمكن كبار القوم من اللحاق بها؟؟
ولا اتوقع اي مبررات او اي ردود من الامام العلامة
اللهم الا ان كان استدل علي فعلته بالاية الكريمة
(وَإِنَّ يَوْمًا عِنْدَ رَبِّكَ كَأَلْفِ سَنَةٍ مِمَّا تَعُدُّونَ)
يعني الالف سنة بتوعنا يوم واحد عند ربنا يعني مجتش ع النص ساعة
دي اللي مش هتطلع حاجه في اليوم اللي هو الف سنة
ودعوني اطرح سؤال اخر علي جنابه
ماهي المدة القصوي المسموح لنا فيها بتاجيل الصلاة ؟؟ مدام الموضوع موضوع الف سنة
يعني لو رئيس الوزرا كان اتاخر تلت ساعات مثلا ممكن ناجل الظهر ونبقي نصليه مع العصر
وهل يجوز الغاء الصلاة لو حب جنابه يصليها في يوم تاني؟
يعني مثلا لو مكنش عرف ييجي ع الظهر كنا ناجله ونصليه اليوم اللي بعدها عادي جدا ده رئيس الوزراء ياجماعة
سؤال اخر
هل يجوز تاخير صلاة الفجر مثلا
عشان لو سيادة المسئول حب يصحي متاخر ولا حاجه؟؟

بجد حاجه في منتهي المسخرة
وتلاقي الامام ده نفسه اكتر واحد بيشتكي من الغلاء اللي هو عايشة
وبيشتكي من نظيف شخصيا بس هو نفسه هتلاقيه مش فاهم
هو عمل كده ليه لان باختصار شديد
محدش فاهم حاجه

هناك 13 تعليقًا:

dina يقول...

نقول اييييييييييييه ...كل حاجة هنا تجوز...ما تحيرش نفسك
مش بيقولك اللى يعيش ياما يشوف...اهو اللى يعيش عندنا بقى يشوف اكتر يا باشمهندس
على فكرة التصويت اللى انت حاطه حلو جدااااااا
تحياتى

صفــــاء يقول...

.
وربنا انت دماغ
وتنفع مفتى ... لان فتاويك حلوة اوى وممكن تطبيقها

يعنى اة وماله لما نخلى الضهر مع العصر مدام هنصليه مع رئيس الوزرا
دة رئييييييس الوزراااا
حاجه كدة فخيمه

كمان الفجر ... وليه نأخرة شويه؟
نلغيه خالص ونخليه صبح بس
متحبكهاش بقى وتعقدها

خلينا مش فاهمين احسن خلينا نستهبل
بدل ما نفهم ونتفرس يا برنس
.

Unknown يقول...

لا تعليق ..

إذا كان رب البيت بالدف ضارب ....!!!!

مش عارفه اقول حاجه للأسف

maiosha يقول...

اولا حمدلله على السلامة

ثانيا .. الإمام ده هتلاقيه مغلوب على امره.. يعنى تفتكر مثلا لما هيقولوله اجل الصلاة علشان رئيس الوزراء وقال لأ .. هيقلوله حاضر عندك حق

بص يا امجد انا حاسة إننا بجد عرايس ماريونت.. بنتحرك على الهوا الكبار يمين وشمال.. واللى يحاول يقطع خيوطه ويتحرر .. بيروح ورا الشمس

Kiara يقول...

ايييييييييييييييييييييييه


ايه ده ناخر صلاه عشان حد مهما كان

لييييييييييييييييييييه في شرع مينن

حمادة زيدان يقول...

أمجووووووووووووووووووووووووووووووودي

أولا : وحشتني موووووووووووووووووت

ثانياً : فينك يا دزمة

ثالثاً : طمني عليك حتى بأوف ىين

رابعاً : هي دي مصر يا كوتش

غير معرف يقول...

السلام عليكم
انا اول مرة ادخل المدونه الجميله ديه بجد ممتانزة
وعلى العموم ممكن ميخلهومش رقعتين ممن بنيه انما الاعمال بنيات
:):)
تحياتى بطوووووووط

غير معرف يقول...

http://leesaabafakr.blogspot.com/

قلب ينبض لله يقول...

هما بيعجنوا علي فكرة
وأضح أنهم ماشيين بمبدأ الوطن للجميع بين قوسين اللي بالي بالك والدين أيضا للجميع
بين قوسين اللي بالي بالك برده:))

صفــــاء يقول...

.
كل سنه وانتو طيبين وبالفرحه منورين

وعلى البلوج اسبوت دايما موجودين
.

ريمان يقول...

والله يا تلموذ مش عارفه اقولك ايه

بس فعلا الدنيا بقت ماشيه بالمقلوب

ربنا يرحمنا

dodda يقول...

انا تقريبا فى حالة صدمه

يعنى الكلام ده بجد والا مزحه بقي؟؟؟؟


دى مصيبه ...
انا لله وانا اليه راجعون

أية الشقية الشعنونة يقول...

يا سيدى الراجل ضيف
وبنكرمه
وإكرام الضيف واجب بقا وانتا فاهم
ههههههههههه
بس على فكرة يا أمجد
الشيخ محمد جودة الشهابى
أفتى بان الإمام مخير فى تاخير الصلاة ما دامت فى نفس وقت إقامتها بحيث لا تدخل فى وقت الصلاة التالية وكذلك المصلون مخيرون ما بين الصبر او الصلاة منفردين..
ده دينيا
بس الأذان فى ميعاده طبعا
بس تأخير عشان نظيف
لالالالالالا لايجوز
هههههههههههههه
المفروض كان قصر الصلاة عشان يجى يلاقيها خلصت وتبقا كبسة
هههههههههه

هنعمل ايه يا أمجد
دحنا غلابة والنبى
يلا معدتش تذم السوايسة تانى يا مان اتفقنا
سلام عليكم