الجمعة، 12 ديسمبر 2008

حد يفهمني هو انا اللي نيتي وحشة ولا ايه النظام


وانا بحتفل باجازة العيد وسط الاهل والاسدكاء كل سنة وانتو طيبين
بفتح الفليفيزيون (بدلعه)
لقيت اغنية لدولي شاهين بتقول
لازم يقف علشان انا جيت لازم يقف مهو ده الايتيكيت
وتستدرك قائلة في جزء اخر من الاغنية
قبليه كتير دابو وحنو ووقفلي قبلو اجدع منه
ثم مسك الختام
انا ببقي ماشية معدية وزي منه يقف ميه
الكلام واضح وملوش غير تأويلين
وهو مايدفعنا لوضع احتمالين لا ثالث لهما
الاحتمال الاول
ان دولي الملاك المسكينة الغلباااااااانة غنت الكلمات دي ومجاش في بالها ولو للحظة يا عيني ان ممكن
انا وامثالي من الناس اللي نيتهم وحشة اننا ممكن نفكر التفكيرالوسخ ده
والاحتمال الثاني
ان الموضوع مقصود تماما
وعايزة دولي تقولنا من خلال الكليب ده انها فعاله في كيفية حدوث ماقالته
وذلك بقولها لازم يقف وكلمة لازم تعني حتمية الحدوث
اي انه لابد له من الوقوف عند رؤية دولي
وهو مايفتح مجال اخر لدولي لو بطلت غنا عشان الناس مش مقتنعة بصوتها
وهو حل مشاكل العلاقات الزوجية
وبدل مالازواج دلوقتي تاعبين نفسهم في العمليات واقراص الفياجرا واشياء اخري لا تجدي مفعا
انصح كل واحد فيهم بتعليق صورة لدولي في غرفة نومه وهو ما سيؤدي الي انتهاء المشكلة تماما
علي حد ذكر دولي وقولتها لازم
وهو مايؤكد الاعجاز الذي قامت به في اكتشاف كيفية الانتصاب وحتميه وقوعة
وهو ما يضع دولي شاهين في مصاف العلماء
فمثلما قام العلماء عن طريق النعجة دولي باكتشاف الاستنساخ وتطبيقة لاول مرة قامت دولي شاهين عن طريق الرجال باكتشاف حل سحري للانتصاب وكيفية تفعيله
وهو ما يجعلنا نرفع لها القبعات بكل فخر
ونقول لها في انتظار اغنيتك القادمة
لازم ينام علشان انا مشيت
................................................................
ملحوطة
بقول لاي حد بيقرا البوست
سوري لو كان الموضوع جريء شوية
بس انا عايز اعرف فعلا هل انا اللي نيتي وحشة وبفكر غلط
ولا هل فعلا لزوم الاستمرار في الوسط الفني هو تقديم مثل هذه النوعية من الاغاني
التي لا تحتمل سوي التأويل المفسر اعلاه

هناك 21 تعليقًا:

Soooo يقول...

سلامو عليكو

انا تقريبا اول مره اجي هنا .. بس انا اللي ندمان لأني باقلب فيها ومستمتع بيها بجد

نيجي بقى للموضوع ده
شوف .. هو بغض النظر عن كلام الاغنيه وان قبلها حصلت اغنية قوم اقف وانت بتكلمني واللي كان بيغنيها راجل .. ويالهوي يعني لو كان اللي بالي بالك

وبغض النظر عن ان دوللي شاهين داخله الفن من ابواب خلفيه مش من ابواب قائمة على تقييم الموبه الفنيه الغنائيه .. باعتبارها مغنيه في الاساس يعني

بس حاول انك تخلي الكلام ابسط من كده ومش بالمباشره دي
انا معاك ان في نوعية مواضيع بتجبر الواحد انه يضرب كف على كف ويقول كلام زي اللي قلته .. بس يعني حاول تخلي السخريه متغطيه شويه

اسف اذا كان كلامي ده ممكن يضايقك .. بس دي وجهة نظري وانا عارف انك هتستوعب قصدي .. خصوصا ان الاحساس الساخر عندك حلو قوي

وكل سنه وانت طيب .. ولو انها جايه متأخر بس المواصلات بقى




سلامووووووووووووز

ريمان يقول...

ايه ده يا تلموذ

خد هنا تعالى

انا اما شوفت الصوره دى فى الريدر انا اتخديت قولت تلموذى حصل فى عقله ايه قولت ادخل اشوف الموضوع

بس ايه ده

انت زى ما انت عارفنى انا مش بعرف دوللى خالص بس بسمع اخواتى بيكلموا عنها

بس بصراحه يعنى يا امدوجا انت فعلا عندك حق
والموضوع مش يتفهم الا كده
وواضح اوى يعنى بصراحه

برضه اخواتى سمعوا الاغنيه كده وفهموا كده بينى وبينك انا مكنتش فاهمه حاجه بس اخواتى ربنا يخليهم ليا فهمونى كل شىء

على فكره اخواتى اصغر منى

هههههههههه

يادى الفضايح

بس معلش يا امدوجا فى كلمه انت كاتبها انا مش فهمتها خالص يعنى ايه
اقراص الفياجرا

مش فاهمه

معلش يا تلموذ مع انى الابله يعنى بس مافيهاش حاجه اما نتعلم منك

صفـــــــاء يقول...

.
انت دايما كدة فضحى؟
يا بنى بلاش كدة ولم الدور
دى سمعه ناس وشرف الاخت الغير فاضله عنزة ... قصدى دولى

وبعدين مش لازم تبقى فكيك وفاهم اوى كدة
اعمل غبى يا سيدى
اعمل مفهمتش ... والله كلنا عارفين انك شاطر وفاهم وكل حاجه
أستغبى
كمان نيتك مش وحشه ولا حاجه بس الحكايه وما فيها ان الموضوع دة بقى أمن قومى وبتساعدنا عليه الاخت الفاضله ... يعنى مجرد مد يد العون
أوعى تفهم غلط وتسئلنى بتمدها فين
أزعل منك على طول
اوعى نيتك تبقى وحشه
.

حمادة زيدان يقول...

أمجووووووووووووووووووووووووووووووودي

ههههههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههههههههه

استنى أخد نفسي من الضحك , دايماً نيتك وثخة اوى , وبتفهم الناس غلط يا أخي , مين اللي قال بس أنه لازم "تيت" يقف مدام هي جت , ليه مقولتش أنه البنى أدم كله لازم يقف من "التيت" بس يعنى لازم تفهموها غلط , والله أحنا شعب "تييييييييييييييت أوى ...

وبعدين البت دولي صوتها حلو جداً بس هي مش لاقيه حد يخليها تعرف تغني كويس , والمنتجين لما شايفنها حلوة بيظبتولها اغاني تمشي مع شكلها وخلاص ,,, على العموم فكرتك حلوة بتاعت حل الانتصاب بس مش نحط دولي نحط ال "هيفاء" لأنها فعلاً أكبر حل للأنتصاب , بس لو ده حصل حالات الطلاق هتزيد لأنه محدش هيلاقي هيفاء جمبه عالسرير ولا ايه

ههههههههههههههههههههههههههههههههه

سلام كبير اوى يا بوب

Nabil يقول...
أزال المؤلف هذا التعليق.
Do not Press F1 يقول...

ههههههههههههههههههههههههههه

يخربيتك يا امجد
بقى اول مرة اجى بعد عودة ابص خنا الاقى دولى
انحرفت يا امجد:ي

ههههههههههههههههههه
يخربيت عقلك يا يا اكرم,يا امير


يا اكرم

سلاموز

Do not Press F1 يقول...

يوووه يا امجد

ايه اكرم وامير دى:ي

سلاموز

محمد ياسر يقول...

لا يا باشا نيتك سليمة
هي دوللي اللى نيتها مش سليمة اكيد و ده هو حال الغنا و الفن الايام دي للاسف

اول زيارة تقريبا
تحياتي

أحمد سعيد بسيوني يقول...

هي نيتك وحشة بعقل

كيكى يقول...

احم احممممممممممممم
الكشك بيمسى
***********
جينا نطمنا على السيادة بعد الانقطاع بتاع النت..لا حسن تكون سمكة قرش كلتك مع الكابل ولا حاجة***
بخصوص البوست
والمصحف الشريف انا مش فاهمة هى النية وحشة اية ولا الحلوة فين اصلا
اممممممممممممممممممممم
شكل فى حاجة غلط
احسن حاجة هندهلك ابة ظاظا احسن**
سااااااااااااء الخير يامعلم
عووووووووووووووووووووووووووو

قلب من ثلج يقول...

بصراحه انا سبب سماعي للاغنيه الكلام اللي اتقال عنها ولو مكنش الكلام ده اتقال مكنش جه في بالي المعني ده , انا شايف ان اللي اثاروا التصور ده للمعني , اما ناس نيتهم فعلا وحشه او حد من منتجي للاغنيه عشان الاغنيه تفرقع بسبب الفضول عند الناس

ولو ابعنا الاسلوب ده في تحليل الاغاني يبقي نص الاغاني انشوفها اغاني اباحيه

انا مش بدافع عن المغنيه اللي بشوف ان تصورها عن الغنا بيعتمد منطق الكباريهات لكن بشوف ان دي ازمه مفتعله ويمكن تساعدها علي الانتشار وليس العكس

shawkat يقول...

للأسف انا لن أعلق على تدوينتك رغم روعتها لأن بالي مشغول بما يحدث في فلسطين و ارى من واجبي العملي أن أجمع لها الأموال فشارك معي و ساعدني في حملة لا تنفق و انما جاهد بمالك و تقديم الأقتراحات بحيث نحاول أن نجمع مبلغ عشرة الاف جنيه كمرحلة أولى من شباب المدونين و شباب الفيس بوك و من المعارف و الأقارب و الأصدقاء ساهم معنا و شاركنا و لا تتردد .. وانتظر ثواب الأجر
اماكن الجهاد بالمال: نقابة الأطباء المصرية ، اتحاد أطباء العرب و مكانهما في دار الحكمة في شارع قصر العيني و اقرب محطة مترو لهما هي محطة السيدة زينب .. و من لا يتطع الوصول هناك يمكن أن يراسلني على الايميل به طريقة التصال به و انا ساقوم بارسال المال نيابة عنه و اذا أراد ايصال رسمي بذلك فلا حرج
الأيميل : ashahinonline@yahoo.com
اسرع و بادر و ردد في اعماقك مش هنسيبك يا فلسطين

" و سيتم عمل لوحة شرف لكل من ساهم بماله فياريت أي أحد ساهم بماله أن يذكر قيمة المال حتى و ان استحقر قيمته و الأحرف الأولى من اسمه لنسجلها في لوحة الشرف
و لا تنسوا ان عثمان و عمر و ابا بكر و غيرهم قاموا بمجاهرة الصدقة و بقيمتها في العلن للتشجيع و التحفيز و هذا لا يتنافى مع الأخلاص " و الذين انفقوا مما رزقناهم سرا و علانية
اشترك في جروب الحملة : http://www.facebook.com/topic.php?uid=46491321470&topic=7479#/group.php?gid=46491321470

http://shawkat85.blogspot.com

dodda يقول...

افتح قناه الرساله
شوف حاجه مفيده

بدل ما تشوف جهنم وبئس المصير يا بشمهندس

sido يقول...

gooooooooood

بجد وجه نظرك صح

sido يقول...

gooooooooood

بجد وجه نظرك صح

bota يقول...

امجد
امجد
امجد
فينك من زمان انا بقالي كتير مجتش
يارب تكون بخير
وربنامعاك في الدراسة

Dr.m يقول...

السلام عليكم

بصراحه كده الموضوع ده ما يصحش يتقال كده بالطريقه دي حتى لو كنت تنتقض حاجه غلط فلا يصح أن تنتقضها بأسلوب أكثر خطئا ...

ولا يصح أن يكون الكلام كله مباح كذلك أو الأفكار ..

ثم راع حياء من يتابعون المدونه من الفتيات ..فاذا كانت اسمها ايه غنت بالمتغطي فانت وضحت بالمكشوف ..

وبعدين لزمتها ايه الصوره يعني بتنتقدها ولا عايز الناس تاخد ذنوب اكتر بصورتها وتكون انت من المسببين للذنب ده ...

وكما غض النظر واجب فمراعاة حرمات الكلام واجب أيضا ولا بد أن نتأدب في كلامنا خاصه إذا كان الكلام عام كالمدونات ........

أرجو أن تكون تفهمت وجهة نظري دون زعل ..وأرجو الله أن يهدينا جميعا إلى الحق بالحق ..

تحياتي
سلام

أية الشقية الشعنونة يقول...

احم
ضستور
أنا بس قلت أسلم عليك يا أمجد
أوك
معنديش صراحة تعليق
سورى بقا
أنا هنزل على مسجد السويس اللى تحت ده
حصللنى هناك
سلام عليكم

Soul.o0o.Whisper يقول...

السلام عليكم و رحمة الله


أول زيارة لمدونتك
و إن شاء الله مش الأخيرة


و معلش هو صحيح أول بوست اقرؤه
وبعدين يبئا كدا

فمش بداية حلوة خالص
بس و لا يهمك .. فى انتظار القادم


هو صحيح البوست جرئ شوية
و صحيح بردوا الحمد لله إنى ماباسمعش الاستاذة دولى (( حلوة الاستاذة دى

المهم .. فحاليا ، أصبح الفن ليس مهنة و إنما مهانة
و ربنا يستر من اللى لسه جاى






اتنمى أن تشرفنى بزيارتك



وو دمت بود

Abu Shahin يقول...

طب والمصحف انت عيل فقر وموتنى على نفسى م الضحك

بوست جامد فحت

محمود افندى يقول...

طريقتك حلوة فى الكلام بس فعلا الكلام جرئ زيادة عن اللزوم ياريت تراعى مشاعر الأبرياء