الخميس، 26 يونيو 2008

مشربتش م المسيسبي

بلدناغلبانة ف ايديهم
بناخد علي قفانا منيهم
واهي ماشية وادينه عايشين
نعيش فيها سنين وسنين واحنا علي القفا واخدين

ارتجلت الجملتين دول وقت لما كنت بحاول احط التصور الحقيقي للاغنية اللي غنتها الوطنية شيرين خد بالك شيرين هيا اللي وطنية مش الاغنية وبامانة شديده الاغنية دي كنت بحسها اوي غير باقي اغاني لجنة السياسات وكنت سعيد لان كانت في ناس بتغنيها وده كان بيعلي انتمائهم وحبهم للبلد... انشالله حتي بالكلام ...اللي بعضنا افتقده ومقدرش يحسها ويديلها حقها
مين بقي اللي قدر شيرين
اتذكر وانا بسمع الاغنية مع احد اصدقائي قالي تخيل الاغنية دي اي حد ممكن يغنيها الا شيرين قولتلو اشمعزة قالي لان طفولتها كانت تقريبا طفولة اطفال شوارع واتبهدلت واتمرطط كتير ورغم عدم تاكدي م المعلومة قولت له مهما اللي اتبهدلو ف البلدي هم اكتر الناس بيحبوها
اتاريني اخدت بايلpile كبير لما لقيتها سافرت امريكا عشان بنتها تتولد هناك وتاخد الجنسية
وهي بعملتها دي غير انها بتنكر حب البلد وغير انها ادتنا كلنا بايلز مش انا بس. فانا بقترح عليها تغني
مشربتش م الامازووون نكون او لا نكون
او
مشربتش م المسيسبي حبيكو يا حبيبي اه حبي

هناك 5 تعليقات:

Muna يقول...

ممممم ...

ممكن وجهات نظر ..

أنا عن نفسي عايزة اسافر الإمارات .. واعيش واربي ولادي هناك وانزل مصر أجازات .. بس موصلتش لدرجة الجنسية .. لكن أكيد امتياز لما يكون لولادك جنسيتين امريكية ومصرية .. غير كده انه في زمننا هيلاقي الاحترام

المهم مش الكلام بتاع البطاقة .. المهم انت تربيه عالانتماء لايه بالظبط ..
وكون ان شيرين ونوال وغيرهم اللي بتولد في امريكا واللي في كندا .. هم حرين .. وده ميلغيش حبهم للبلد .. لكن من حقهم يدوروا على مكانة لولادهم في زمن بيداس فيه البنيآدمين بالــ(...) انت عارف بقى

ومتشكرة على المعلومات

Amgad يقول...

يعني تفتكري انا لو نص امريكي ونص مصري هنتمي لايه اي حد اكيد هينتمي للاقوي وعلي راي اللي قالها
لو لم اكن مصريا لارتحت نفسيا
يبقي هيا دلوقتي بتبعدها عن مصر طبعا هي من حقها تدور علي مكانة لولادها ولو ف المريخ بس متكونش قبلها علي طول لسه مغنية الاغنية ولو عايزة تصدقيني افتكري كلمات الاغنية كلها خالص تحياتي وتقديري

Muna يقول...

أنا شايفة انه يظل اختيار شخصي .. مهما كانت المغنية قريبة من قلوب الناس ووطنية على حد قولك ..
لكن ميديناش الصلاحية اننا نحكم على تصرفاتها الشخصية مع عائلتها .. تظل حرة

Amgad يقول...

اكيد هي تظل حرة مهما حصل بس انا بقول تحترم دماغها ودماغنا
يعني متقولناش انها هايمة بمصر من هنا وتروح تجنس بنتها
معاها حق في احداهما ان لم تتحقق الاخري اتمني تكوني فهمتي وجهة نظري

غير معرف يقول...

現金借款
當日撥款
借款當日撥款
快速借款當日撥款
信用貸款當日放款
代書借款當日撥款
民間小額借款
網路借錢
快速借現金
借貸網
小額借錢
如何借錢
急需借錢
我要借錢
急借錢