الجمعة، 29 أغسطس 2008

حمدي بالالا



من مدة كده اتفاجئنا بصورة رئة مؤلمة علي غلاف علب السجاير الكيلوباترا
قولنا ان الشركة عايزة تخفف استخدامها شوية وتشجع الاجنبي وبما اني بشرب م الاجنبي علي راي واحد صاحبي
فالموضوع مش فارق معايا
جت الشركة وقامت غيرت صورة الرئة ونزلت صورة حمدي بالالا علي كل العلب حتي الاجنبي
وكان في تساؤلات حول ماهية الراجل ده وبيضحك ليه في الصورة
وفيه اللي قال انو بقي اشهر من الريس دلوقتي بدليل تواجده في جيب كل واحد فينا
اتفاجئنا بعم حمدي في البيت بيتك بيقول انو مش تعبان م السجاير ولا حاجه
-وعلي فكرة ده باين اوي قي الصورة من عضلات رقبته وعروقها المشدوده وكمان من الضحكة-
وبيشرب سجاير لسه وصحته زي الفل
وان هوا بيشتغل مساعد مخرج وانضحك عليه وقالولو انت بتعمل عمل عشان مصر ياحمدي
اللي هو زي مصر مش هتنساك يا رأفت لما كنا بنشوفها
زمان ونعد نعيط ونقوم تشغل اغنية شادية يا حبيبتي يا مصر يا مصر
المهم جه دلوقتي يقول انا مقبضتش من الموضوع ده
والوزارة قرطستني وماخدتش فلوس وانا بطالب برفع الصورة من علي علب السجاير
لانها سبتتلي اضرار نفسية ومعنوية والناس في الحتة عندنا بيسموني حمدي الميت
قولت فرصة اقول لحمدي بيومي او بالالا او حتي حمدي الميت
علي المكاسب اللي بيستفادها من الموضوع ده
وهو ان الحسنات اللي اخدها من ذنوبنا كافية انها تدخلة الجنة
بجد الراجل ده بيتشتم وبيتلعن كل يوم ملايين المرات من الناس اللي سببلها الام نفسية بسبب صورته اللي علي السجاير
اسمع حد يقولي ان وزارة الصحة عندها حق في الصورة دي وبسببها ناس كتير بطلو سجاير
اقولهم
بطلو سجاير بس مش بمزاجهم ومهتدوش كده وربنا هداهم وكل واحد فيهم بقي مقطع السجاده
وم البيت للجامع ومن الجامع للبيت
داللي بطلها بسبب حمدي ده اتجه للمخدرات اوعلي اقل تقدير سابها وراح يشرب شيشة
واكيد هما مش هيقدرو ينزلولنا صورة زي صورت جنابة علي خرطوم الشيشة او علي الحجر نفسه
حاجة تانية استفدها حمدي انو معاه اثبات الشخصية بتاعه في جيبة في اي وقت
لو حد طلبه منه يطلعلو علبه سجاير
او علي اقل تقدير يروح يشتري علبه من اي مكان ويثبت بيه شخصيته
كمان لو احتاج اربع صور شخصية زي مبيحصللنا كده
يروح يشتري علبتين بس وكل علبه عليها صورة وش وصورة ضهر
وبالتالي هو لا هيحتاج يشيل بطاقة ولا يطلع رقم قومي
هو بس يروح يشتري قاروصة سجاير ويبقي معاه اثبات شخصية دائم
كل دي فوايد
الاضرار بقي
ان صورة في الزبالة دلوقتي اكتر من صور مرشحين الخزب الوطني اوقات الانتخابات علي الحوايط
واكتر من صورة السيد القائد وقت الانتخابات والوعود الانتخابية

وبقول للناس بتوع الصحة الاذكية لو انتو فعلا عايزينا نبطل سجاير
ادي نصيحة منطقية ومقبولة اوي اهي
تجيبولنا اي حد من بتوع الوطني علي الصورة
وتكتبو تحتها البرنامج الانتخابي اللي مش بيتحقق
او صورة الزعيم القائد وتخطو تحتها برنامجه الانتخابي
او تكتبو تحتها مصر بتتقدم بينا واهو كلنا عارفين بتتقدم بينا ازاي

ممكن كمان يرسموا صورة شعبولا
ويكتبو تحتها هبطل السجاير واكون انسان جديد ومن اول يناير خلاص هشيل حديد
بس يرسموه ماسك سيجارة زي مبيحصل في البرامج
ولما حد يسالو مش قولت هبتطل سجايريقولهم يناير اللي جاي
فانا برده بقول يرسمو شعبولا ويكتبو هو لسه بيشرب بس هيبطل يناير الجاي
ياريت كلنا ياولاد مصر نعمل زي الاديب شعبان عبد الرحيم ونبطل سجاير


هناك 106 تعليقات:

Unknown يقول...

السلام عليكم ورحمة الله وبركاته
الحين فسرت لى ما لمحته على علبة السجاير
بتاعةابن اختى الموضوعة على التربيزة وكدبت نفسى وقلت لا دى يمكن ورقة محطوطة غلط لكن اتضح الحين انها متعمدة ومقصودة كمان وايه انضحك على صاحبها كمان وماخدش المعلوم ابدآ!!! ومهما انت على المميزات من الاعلان بالنسبة له بس يكفى ياباشمهندس
(ان صورة في الزبالة دلوقتي اكتر من صور مرشحين الخزب الوطني اوقات الانتخابات علي الحوايط
واكتر من صورة السيد القائد وقت الانتخابات والوعود الانتخابية)))
دى لوحدها تضيع 300 فايدة
تحياتى لكلامك واراءك وكل لحظة وانت بالف خير يارب .

دعـاء عـلى يقول...

حلوه أوى حته اثبات الشخصيه دى
و اهو بدل الواحد ما يعد يتصور كل شويه تبقى الشركه بتطبعله صور وش و ضهر (:
و الله أنا صوره الثانويه بتاعتى تنفع للموضوع ده شكلى أموت منه بمراحل و تحسنى عايزه أعيط هههههههههههه كنت داخله على ثانويه بقه بلس انو كان عندى برد و عينيا مورمه
بس هو زعلان ليه ما بقه مشهور و حاجه فل اهوه ... يصبر بس كام شهر و حيطلبوه فى اعلانات مساحيق الغسيل (:
ربنا مع الجميع
كل سنه و انت طيب و مدونتك حلوه بجد
سلام

sa3at يقول...

السلام عليكم ورحمة الله وبركاته.... .


هههههههههههههه بجد هو موضوع جميل وهادف بس فعلا اللي الحكومة ده بتعمله بيموت الواحد من الضحك.... .

ومش هقولك غير حاجة قولتهالك في اول تعليق ليا

احنا في زمن الضمير فيه صار ميتا والكوسة فيه مسيطرة

وعمـــ يـامصــرـــار

ههههههههههههههههههههههههههههههههههههههههههههههههههههههههههههههههههههههههههههههههههههه

تقبل احترامي وتقديري.... .

أختك أفنان محمد المغربي...... .

Abu Shahin يقول...

موتنى على نفسى م الضحك يا امجد

بالذات الختة بتاعة لو احتاج صور اثبات شخصية ينزل يشترى له علبتين
:)

وانا معاك فعلا ان مصر كلها هاتبطل سجاير لو نفذوا كلامك ده

متميز كالعادة يا امجد

Unknown يقول...

ميجو ازيك يا واد .......حلوة فكرة قاروصة السجاير دى على فكرة جامدة يعنى.....عارف الكاتب احمد رجب فى شبابه كان يشبه ممثل ايطالى فكان بيشترى صوره من المكتبة ويستعملها على انها صور شخصية عشان ارخص واسرع هو كمان ممكن يعمل كدة برافو عليك.....ما قلتليش اتسحرت واكلت البيض والزبادى وشربت اللبن؟

الدرعمي يقول...

السلام عليكم

رمضان كريم أولا

ثم

الموضوع جيد جدا

ولك أن تتخيل أنه لم يحدث

لأنه لا أثر له

قرار فاشل

مش ممكن تخلي مدخن يبطل بالصورة دي



تحياتي لجهدك


آدم

Empress appy يقول...

ههههههه حلوة اوى يحطوا صورته على الشيشه لا هيحطوها على الزجاجه بتاعت الشيشه يا امجد
انا اول مرة اعرف المعلومات دى عن الراجل ده اصلا بس معتقدش حد ضحك عليه ولا حاجه بلا عمل لمصر هو هتلاقى حد كبرها فى دماغه انه ازاى مخدش فلوس فهمت بس

canary يقول...

والله انا فاكرة انى دخلت المدونه دى قبل كدة وعلقت برضه على الموضوع دة قبل كدة بس الغريبه انى مش لاقيه التعليق
وايوة هى دى المدونه وهو دة الراجل المسلول اللى صورته متشعلقه فوق
بس انت اقتراحاتك حلوة بالنسبه لأثبات الشخصيه وبدل الوقفه فى طوابير السجل المدنى وتسخيم الايدين بالختم فعلا يبقى يجيبله علبتين سجاير
وبعدين بعد كل الشهرة اللى اديتهاله الدوله دى ومش عاجبه وكمان عاوز يرفع قضيه؟؟ شوفت الحكومه تعمل مع الناس قد ايه خدمات والناس اللى معندهاش دم تفضح الحكومه وتجرجرها فى المحاكم كدة؟

حنين.. يقول...

السلام عليكم
حلوه اوى الحته بتاعة اثبات الشخصيه.
وبعدين انت فاكر الحكومه هتعمل مره فى حياتها حاجه حلوه
دى الحكومه
وبعدين انا سمعت انا فى علب اتعمل عليها صورة تامر حسنى دا, واوبو تريكه

بعد شويه هتلاقى كل واحد حاطط صورته على علبة السجاير زى البروفيل كدا


امنيه من امنيات حياتى ان الناس تبطل سجاير
واللى بيشربها يحاول يبطلها, يحاول مره واتنين وعشره

وكل سنه وحضرتك طيب
تحياتى
دمت سالم

حمادة زيدان يقول...

امجد باشا

أسف وسوري كتييييييييييييييييير على تأخيري في اني اعلق عندك واقولك

كل رمضان وانت طيب

كمان ميرسي عالتاج جدا جدا جدا جدا

وموضوع الصورة والله مأثرتشي بيه حد ولا حد بطلها دي يمكن تكون زادت غلاسة ع الحكومة مش اكتر ... هما لو حطوا عليها الصورة المباركية أكيد أكي
د أكيد الناس هتكرهها

سلام يا جميل

كـــيــــــــارا يقول...

ههههههههههههههه

حمدي علي رايك استفاد موت موت

كنت في يوم ماشيه في الشارع ولمحت صوره علي عليه السجاير قلت حد لزق صوره بس بالفعل مش كنت متخيله ان هما حطو صوره علي علبه السجاير

كل سنه وانت طيب
رمضان كريم

غير معرف يقول...

والله يا امجد لك حق
كل سنة وانت طيب يا جميل ورمضان كريم

بنت سيناء.. يقول...

حاجة تانية استفدها حمدي انو معاه اثبات الشخصية بتاعه في جيبة في اي وقت
...(:ضحكتنى والله
سبحان الله بئة هو متضرر؟؟
أمال اللى شايل صورتة يعمل اية
بس تفتكر ان الناس ممكن تتأثر بالصورة دى؟؟
إلا ما تأثروا بهادم اللذات وهو حوالينا فى كل مكان..أنا لهم هذا؟

Amgad يقول...

دكتورة نور
ايوة متعمدة ومقصوده
امال هيحرقوا دمنا ازاي
بيعجبني اوي حوار الجزء من البوست
في اللي بتحطيه بين اقواس ده
وبجد بتبسط لما الاقي جملة عجباكي
زي ميندبحش اللي في البوست اللي فات
خالص تحياتي لمرورك
وكل سنة وانتي بصحة وسلامة

Amgad يقول...

دعاء علي
هههههههههههههههههههه
حلوة يطلبوه في مساحيق الغسيل دي
وكمان موضوع صورة الثانوية
كل سنة وانتي طيبة
وتقديري واحترامي ليكي

Amgad يقول...

احنا في زمن الضمير فيه صار ميتا والكوسة فيه مسيطرة
عمار يامصر
ههههههههههههههههه
نورتي يا فنونه

Amgad يقول...

ابو شاهين
ميرسي علي زوقك يا حبيبي
وكويس ان الكلام عجبك
خالص تحياتي

Amgad يقول...

انجي
يعني كلامي طلع صح اهه
انا كمان عشان فيا شبه من براد بت
كنت لما بحتاج صور او كده
بروح اشتري صوره واهي ارخص
اتسحرت واكلت لبن وشربت زبادي
تحياتي

Amgad يقول...

ادومة
مبرسي علي زوقك
وكويس انك عرفت انو قرار فاشل
تحياتي

Amgad يقول...

ابي
انا بقول كده برده
تلاقي حد قالو
هتتشتم كل ده من الناس بلوشي
اطلع وههيص واعملك نمرة
عشان حتي تبقي مشهور
في مصر بدل منتا مشهور في الحته
سعيد بمرورك وكيب ان تاتش

Amgad يقول...

كناري
كويس انك لسه فاكره
سعيد برجوعك وويلكم باك
عشان تصدقوا بس لما اقلكوا
ان حكومتنا دي غلبانه اوي
وان احمد نظيف ده ملاك
وان احنا اللي غلطانين
الراجل اتشهر ببلاش
لا وكمان عايز فلوس
خالص تقديري

Amgad يقول...

حنين
ايوة في فعلا جرابات
كده صغيرة
الواحد بيتباع من جنية لاتنين جنيه
عليها صورة بوب مارلي وجيفارا
وابو تريكة ويمكن هيفا ونانسي
بس جديد موضوع تامر ده
علي فكرة احنا شعب منغلبش ابدا
يا رب يا ستي الناس كلها تبطل وانا اولهم
خالص تحياتي

غير معرف يقول...

حماده زيدان
ولا يهمك يا مودي
كل سنة وانت طيب
كويس انك موافقني في الراي
خالص تحياتي

Amgad يقول...

حماده زيدان
ولا يهمك يا مودي
كل سنة وانت طيب
كويس انك موافقني في الراي
خالص تحياتي

Amgad يقول...

كيارا
ده هو لو مستفادش من اللي حصل ده
كله كفاية انو استفاد
انك شفتي صورته بس
هههههههههههههههههههه
كل سنة وانتي طيبة

Amgad يقول...

مصطفي ريان
انت مكسل تسجل دخول
كل سنة وانت طيب يا صاصا

Amgad يقول...

بنت سيناء
معاكي حق
احنا لو واحد فينا مات من السجاير
ورجع من المووت تاني
للحياة هيشرب سجاير تاني
هكذا الانسان وهكذا الدنيا
خالص تحياتي

Ahmed Al-Sabbagh يقول...

والله بوست جامد جدا

تعرف

انا من فترة قعدت اقول لأصحابى تعمل ايه لو انت ماشى فى الشارع وقابلت الشخص ده المحطوط على علبة السجاير لغاية ما في يوم بقول كدة قام واحد قال لى ده الراجل ده طلع فى التلفزيون

بجد ومن ساعتها نفسى اكتب او حد يكتب عن الموضوع ده

بصراحة انت ابدعت

كل سنة وانت طيب

تقديرى ومحبتى

أحمد

MY FATE يقول...

أولا السلام عليكم
ثانيا أعتقد برضه أن الواحد لما هيجي يبطل السجاير مش محتاج صورة زي دي عشان يبطلها هو محتاج ارادة وأنه يفكر صح
بصراحة بالنسبة ليا أى واحد يبدخن سجاير بينزل من نظري لأنه معندوش ارادة أنه يبطل غير أنه أصلا لما بدأها أعتقد أنه مكنش عنده ثقة فى نفسه
عامة برضه الراجل من حقه يطلب أنه صورته تتشال وبرضه من حقه ياخد فلوسه
ثالثا بقي ربنا يهدي كل اللى بيشربوا سجاير ويبطلوها وخصوصا وهما قدامهم فرصة أنهم يبطلوا فى شهر رمضان
وأخر حاجة سلام

Amgad يقول...

احمد الصباغ
ياااااااااااااااه
بالراحة بس يا ابو حميد
كده كتير اوي يا حبيبي
ميرسي بجد لذوقك وميرسي اكتر لمرورك
وكيب ان تاتش دايما بقي

Amgad يقول...

معاكي حق
اللي محتاج يبطل فعلا مش محتاج صورة
واللي مش عايز
لو مات ورجع للحياة تاني هيشرب سجاير
((بصراحة بالنسبة ليا أى واحد يبدخن سجاير بينزل من نظري لأنه معندوش ارادة أنه يبطل غير أنه أصلا لما بدأها أعتقد أنه مكنش عنده ثقة فى نفسه))
اختلف معاكي
الموضوع ملوش دعوة بالثقة وياما عظماء كانو بيدخنوا
يارب يا ستي ربنا
يهديهم ويبطلوا وانا اولهم
تحياتي

بنت القسام يقول...

بسم الله
السلام عليكم
معلش هو انا ممكن اضحك ولا ايه
طيب
هههههههههههههههه
تعرف
واحنا بنتسحر امبارح
ابويا بيخنقنا بالسجاير دي
فاانا عملت احتجاج وزعقت اوى ورحت قايمه وبردو ضل يشرب السيجارة
هههه
المهم انو بعد ماقم مسكت العلبه واتفاجئت الصراحه بالصورة
لقيت واحد ميت عليها
لاحول الله
بجد يعني حمدي الى ع العلبه دة بيشرب سجاير اصلا
والله مهزله فعلا
وبعدين السجاير دي بقت زى الشاي والشكر الوقتى
ويمكن بقت زى الميه
ربنا يرحمنا
*
المهم
كل سنه وانتا طيب
رمضان كريم

Unknown يقول...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

دعاء مواجهات يقول...

ياارب ياعم

كلكوا تبطلوها بقى
انا بكرهها اوى بجد بشكل محدش

ممكن يتخيلوا

وانت كمان ياريت تبطلها

مااشى

قووووول حااضر

قولت؟؟

اوكى

تمام كدة

ريمان يقول...

هههههههههههههههههه


السلام عليكم
ايه ده يا امجد

يالهووى يالهوووووووووى

اخر حاجه انا كنت متوقعاها انك تكتب عن السجاير

ههههههههه

ربنا يتوب ع الرجاله اللى بيشربوها يا رب

وانت لازم تبطلها بقى

وتسمع كلام الابله

مفهوووم ولا لاء
؟؟؟؟؟؟؟

عشان اعطيك 10 على 10 ونجمه وقمر الدين كمان وقطايف وكنافه وبلح الشام كمان

رمضان كرييييييييييم

Amgad يقول...

جيلي كاستر
كل سنة وانتي طيبة
ايوة حمدي بيشرب سجاير
بس مش تعبان منها ولا حاجه وصورة الميت
دي رسم علينا
معاكي حق السجاير بقت زي المية دلوقتي
ربنا يلطف بعبيده منها
كل سنة وانتي طيبة تاني

Amgad يقول...

نهر الحب
ميرسي بجد

Amgad يقول...

دعاء مواجهات
حاضر
هههههههههههههههه
ميرسي لمرورك وربنا يسمع منك

Amgad يقول...

ريمان
يارب
حاضر يا ابلة
وميرسي يا ابلة
قد كلامك ولا لأ يا ابلة
كل سنة وانتي طيبة يا ابلة

مجلة علّي صوتك يقول...

رمضان كريم عليك و علينا ان شاء الله

Mustafa Şenalp يقول...

çok güzel site. :)

الريم يقول...

صورته مشكلة حتى فى ديه كمان

الحكومة بتضحك علينا مدونة لطيفة

ندا منير يقول...

حلو اوى موضوعك دا يا امجد وبتناقش المشكلة دى بطريقة جميلة جدا
بس تصدق اول مرة اعرف ان صورة حمدى بالالا على علب السجاير منا مش بشرب بقى سجاير ،ههههههه
بجد السجاير دى حاجة وحشة مقرفة ونفسى الحكومة تحد من بيعها فى السوق وتمنع الاطفال يشربوها بس طبعا الحكومة مش هتعمل حاجة ابدا

كـــيــــــــارا يقول...

هههههههههههههههههه

علي رايك اديني شفته وانت شفته وبقي مشهور زي البقيه :)

zOzO يقول...

رغم انهم عارفيبن ان التدخين مضر
ومكتوب علي العلبه كدا
وبرده مفيش موعظه من دا
ربنا يهدي
بوستك حلو
جمييييييييييييل

dodda يقول...

اعوذ بالله
هو فى حد لسه بيشرب سجاير اصلا؟؟؟
من ترك شيئا لله ابدله الله خير منه

ربنا يتوب على شباب المسلمين من السجاير
امين


بس جامده اوى موضوع اربع صور ده!!!

مدونة حكومتى ملاك يقول...

السلام عليكم ,

والله سواء حمدى باللا مريض أو سليم

فالحكاية مش محتاجة اثبات ان السجاير مضرة للصحة ومسببة للوفاة
وكلنا بنشوف لأمثلة أمامنا

الحقيقة أنا بأتعجب أوى للبيدخنوا
هو ايه الفايدة من السجاير أو حتى اللذة اللى فيها

أنا والله مش عارف هما بيشربوها ليه ؟

تحياتى ,
عمار صبرى

Desert cat يقول...

انت متاكد انه اسمه حمدى ؟؟؟؟
اصلى سمعت انه اسمه بيومى وقبض فعلا الفين جنيه من وزارة الصحة
ومش كان عارف هو بيتصور كدا ليه ولما شاف صوره على علب السجاير حس انه انضحك عليه قام عامل الهوليله دى

Amgad يقول...

مجلة علي صوتك
رمضان كريم علينا كلنا
وكل سنة وانتو طيبين

Amgad يقول...

Mustafa Şenalp
انت بتقول ايه
ولكن احتياطي
اهو انت لواحدك
ههههههههههههههههههههههههه
بس لو اعرف تركي بس

Amgad يقول...

الريم=الغزاله
الحكومة بتضحك علينا فعلا
ميرسي علي انك شايفاها مدونة لطيفة
تحياتي

Amgad يقول...

ندا منير
تعرفي انا في يوم بكتب ندا زي منتي كاتباها كده لقيت بنت اسمها ندي
عندها حوالي خمس سنين
غسلتني اللي هو قالتلي ندي بالياء مش بالالف
كويس ان الموضوع عجبك
معقول اول مرة تشوفي بالالا
مهو لو انتي مبتشربيش
اكيد والدك او اخوكي او خالك
عموما كويس انك شوفتيها هنا
علي فكرة الحكومة عمرها مهتحد منها
لان ده الصح
ولو حدت منها وغلتها
الشباب هيسيبها ويتجه للمخدرات
فخلينا كده احسن
تحياتي

Amgad يقول...

كيارا
ميرسي لمرورك مرة تانيه
وجميل اوي التتابع ده
وخليكي كده علي طول
علي فكرة انا اكتشفت دلوقتي
انو بقي مشهور لما انتي شفتيه
خالص تحياتي ومحبتي

Amgad يقول...

زوزو
ربنا يهدي الجميع
المدخنين دول بيستعبطوا والله
حاجه هبل
ربنا يتوب علينا بقي
كل سنة وانتي طيبة

Amgad يقول...

دودا
هههههههههههههههههههه
ربنا يتوب عليهم يا ستي
ويبطلوا ههههههههههههه
شفتي بقي
ده حتي مش محتاج يشتري علبتين
هو يجيب من اقرب مقلب زباله
حمدالله علي السلامة

Amgad يقول...

حكومتي ملاك
والله يا عم عمار منا عارف
حاجه بتخلص فلوس وصحة
مش عارف بنشربها ليه
سوري بيشربوها ليه
ههههههههههههههه
تحياتي

Amgad يقول...

desert cat
ايوة فعلا كل ده حصل
وهو اسمه حمدي بيومي
والشهرة حمدي بالالا
هههههههههههههههههههههههه
خالص تحياتي لمرورك

PrInCeSS BeRy يقول...

ازيك يا امجد كل سنة وانت بالف خير وسعادة



بصراحة موضوع السجاير الجديد دة لا هيقدم ولا ياخر بالعكس دة خلق مشكلة جديدة ان الناس بتصرف فلوس على العلب يعنى كلو مستفيد واللى بيشرب هوة الخسران ربنا يرحمنا

Walaa Elshamloul يقول...

حلوة اوى يا امجد كالمعتاد
وعجبتنى جدا تشبيهاتك
اتمنى ان تداوم على الكتابة بصورة منتظمة

dina يقول...

هههههههههههه
انا اول مرة اسمع الحوار دا لانى طبعا ولا بدخن و لا اعرف حد بيدخن
ههههههههههه
لا بجد افتكاسة عجب
ايه الحكمة يعنى ..و ايه اللى اوحالهم ان الراجل دا مؤثر
يلا كل سنة و انت طيب يا باشمهندس

عاشــــــ النقاب ـقــــة"نونو" يقول...

السلام عليكم
اولا كل عام وحضرتك بخير
ثانيا اسال الله العلي العظيم ان يتوب عليك من السجاير انت واللي زيك يارب العالمين
اتمنى فعلا ان موضوع الصورة يؤتي ثماره ويتوب على الناس منها فعلا
اما عن صاحب الصورة فاحتمال يكون الموضوع بالنسبة له سبوبة وحس انه انضحك عليه وشوية فلوس هيسكتوه واحتمال يعمل لهم منظر اخر
نورت مدونتي واتمنى دوام التواصل
تحياتي

Unknown يقول...

هو تلاقيه قالوله هتاخد فلوس و بعدين خد اللي فيه النصيب و لما حد من اصحابه قاله لا خليهم يدوك أكتر ثار و بقي زي ما احنا شايفين مش حامد النعمه اللي هو فيها ده اسمه بطر و لا عزاء اخد حقه و برضه مش عاجبه

ده ايه ده ياخويا

ياسمين

Amgad يقول...

بيري
كل سنة وانتي بصحة وسلامة يارب دايما
متفق معاكي في كل اللي قولتيه
وكويس انك فاهمة اللي بيحصل

Amgad يقول...

ولاء الشملول
حلوة اوى يا امجد كالمعتاد
ربنا يكرم اصلك هو المعتاد حلو علي كده
دايما رافعة روحي المعنوية
كل سنة وانتي طيبة

M.a.r.y.o.o.o.m يقول...

اولا ازيك عامل ايه ثانيا بقي المدخن لا عمره هايسيب السجاير الا لما يضرر هو نفسه ولا هاينفع اي حاجه بدليل ان انا لية زميل بيشتغل في ايسترن كومباني بيقولي لما نزلوا الصورة قلت شوية ومجرد ان الناس شافت البرنامج ارتفعت المبيعات تاني كالعاده يعني محدش بيخاف علي نفسه ولعلمك هما اصلا لو بيخافوا كانوا خافوا من كلام ربنا قال تعالي : { ولا تلقوا بأيديكم إلى التهلكة }

M.a.r.y.o.o.o.m يقول...

نسيت اقولك تقبل مروري

Amgad يقول...

عاشقة النقاب
وحضرتك بصحة وسلامة
اللهم امين
بس علي فكرة
عمرها مهتؤتي ثمارها
لانها معمولة بغباء
متفق معاكي في موضوع السبوبة
انتي اللي منوراني دايما
ويشرفني التواصل
كل سنة وانتي طيبة
وخالص تحياتي

Amgad يقول...

عاقلة علي وشك الجنون
ونبي برده انا بقول وده ايه ده ياختي
هو علي فكرة انا سمعت برده
انه اخد الفين جنية
ووقع علي حاجات كده وفي الاخر عرف
انها نصبايه
بس برده معاه حق هما الالفين جنيه مش فلوس
واهو كله بينصب علي كله

Amgad يقول...

مريوووووووووووووم
اولا انا كويس
ثانيا حتي يا عزيزتي لو الضرر وقع عليه
برده مش هيسيب السجاير
هي فعلا المبيعات قلت
وقت نزول الصورة ورجعت عليت تاني
وده كان متوقع اللي هو الواحد اخد عليها
او شاف ليها حل زي موضوع الجرابات وكده
ومعاكي حق لو كنا بنخاف
اقصد لو كانو بيخافوا كانو خافو من كلام ربنا

بث تجريبي يقول...

ازيك يا امجد
انا مش لحقت اقرا البوست بصراحة
لانى مستعجلة
بس انا حبيت اسلم عليك يا معلمواقول رمضاااان كريم.

Unknown يقول...

يوم لما شفت تعليقك في مدونتي فرحت جدا انك استجبتي لدعوتس أو عجبك شيء في المدونة وفرحت أكتر عشان هأكتسب قارئ جديد ومعلق على كتاباتي بس مش عارف انقطعتي ليه مع اني بأنتظر تعليقاتك باستمرار ممكن أعرف السبب ولو مكانش فيه غير السهو والنسيان يبقى مدونتي مازالت تنتظرك..
كل ودي

Unknown يقول...

هو كان ممكن تبدي استياءك من دعوتي ليكي للمدونة لما حطيت اللينك بتاعها عندك بصورة أكثر لياقة من كده ومكنتيش تقولي اني مستفز..أنا طبعا لم أحذف التلعيق بتاعك بس مكنتش أتخيل ان حد يقول للتاني انت كلامك مستفز كده في وشه..
شكرا جدا جدا..
كل ودي

ميرام يقول...

أمجد .
انا قرأت البوست ده قبل كده ..
بس مالحقتش أعلق ..
ورجعت لقيته لسه موجود (:
فقراته تاني (:
المهم ..
بيقوللك دلوقتي وانت بتشتري علبه ..
يسألك الأول ..
بصورة ولااا ..
ولا دي بقى أغلى شويتين ..
واللي مش عايز يتعب .. يدفع ..
وهين قرشك ولا تهين نفسك ..
وحاجات من هذا القبيل (:

بس انا معترضه على بالابالا ..
المفروض يعرف ان دي (ضريبة ) الشهرة ..
و(الضرائب) لمصلحتنا كلنا (:
ميرسي على البوست الجميل ..
بانتظار الجديد ..
تحيــــــــــــــــاتي

bota يقول...

السلام عليكم

ازيك يا امجد يارب تكون بخير

بجد متشكره جدآ على سؤالك عليا الفتره اللي فاتت

المهم كل سنه وانت طيب ويارب يكون رمضان كله طاعة

وعايزه اقلك حاجه انا شايفه ان موضوع الصوره ده مفرقش كتير دلوقتي كل التجار بيقولو ان علب السجاير بتاعة زمان بدأت ترجع تاني يعني الشعب المصري بيعرف يتصرف مش هيغلب يعني
المهم ربنا يهديك ويهدي اخواتي ويهدي شباب المسلمين وتبطلوا خالص

يلا ربنا يعملك الصالح ويكرمك ويوفقك :)

bota يقول...

اه نسيت اقلك صوره هاري بوتر ديه حلوه اوي

Amgad يقول...

امنية
ازيك حمدالله علي السلامة
ميرسي علي السؤال
ويارب ترجعي بالسلامة
كل سنة وانتي طيبة

Amgad يقول...

كاتب مصري
انت يا بني فايق ولا مسطول
ولا شارب حاجه
امجد في البطاقة ذكر
ركز شوية

Amgad يقول...

ميرام
ايه الحلاوة دي منتي عارفة كل حاجه اهه
هو فعلا دلوقتي بيسال بصورة ولا
عشان كده انا كنت فاكر
اقترح علي كل واحد يحوش علبة
معليهاش صورة ويبقي يحط فيها السجاير
اما بخصوص بالالا انا معاكي ان
المفروض يعرف ان دي (ضريبة ) الشهرة
واهو كله لمصلحتنا
تحياتي للتعليق الصايع ده
وميرسي علي مرورك المتكرر

Amgad يقول...

بوتا
حمد الله علي السلامة
انتي فين كل ده
كل سنة وانتي طيبة
العلب مش هترجع ولا حاجه داللي موجود
دلوقتي القديم
والناس بيبيعوه اغلي من تمنه زي مقالت ميرام
معاكي ان الشعب المصري مبيغلبش
ميرسي علي دعوتك
والصورة اتفضليها
تحياتي وتقديري

Ahmed El-Agouz يقول...

امجد
رمضان كريم
بالرغم من اني غير مدخن
وواضح امك مدخن من كلامك اولا هدعيلك ربنا انه ربنا يعفيك منها
الا انك اشبعت فضولي في معرفة شخصية صاحب الصورة اللي علي علبة السجائر اللي كانت مسببالي ازعاج لما بشوفها
بس بصراحة مكنتش عارف مدي تاثيرها علي المدخنين
لكن اذا كانت الصورة لم تؤتي بالنتيجة المطلوبة خلوني احكي لكم قصة يمكن تكون سبب لوحد انه يترك التدخين
لقصة دي انا ابي كان بطلها وانا واسرتي شاركناه البطولة
القصة قصة مدخن عادي جدا اللي هو (ابي)يصاب بضيق في شراين القلب
ويستمر في التدخين
لكن الموقف الذي لم ولن استطيع ان انسه هو مرض ابي وطلبه مني ان ااتي له بالسجائر وارفض وانا طفل لم يتجاوز التاسعة من العمر بعد
ويرحل ابي ولم استمتع به وما ان بدات اعي وعيت موته مات ولم استمتع به ولم يستمتع بي فلقد استمتع بالتدخين بما فيه الكفاية
رحم الله ابي
ويبقي ان اذكر ان السجائر سبب ولكنه اجل ابي
ولا تلقوا بأيديكم إلى التهلكة
اقولها وانا اشعر بها
رحم الله كل مدخن واعانه علي تركه
العجوز

قلب ينبض لله يقول...

أيه دا البوست دا نزل أمتي وأنا ماشفتوش غير دلوئتي طيب أزااااااااي؟

المهم خلينا في البوست
أنا كنت قريت في الدستور أن الصورة اللي علي علبة السجاير مخطط من شركة السجاير نفسها علشان تزود سعر العلبه أزاي؟
دلوئتي الصورة شكلها مقزز والناس مش عاجبها العلبة وهي كدا تقوم تنزل في السوق السودا علب سجاير من غير صورة بس طبعا غالية نص جنيه أو جنيه يقوم الناس يشتروها وبالتدريج تبدأ تقل العلب اللي عليها صورة بس طبعا بعد مايزيد سعر العلب اللي من غير صورة بس أيه هايكون زاد أوي وثبت كمان يعني هودا السعر العادي بتاعها
بسسسسسسسسسس :)

سلام

Lyssandra يقول...

حلو أوي البوست ده بجد

يعني ضحكوا عليه وقالوله بتخدم مصر ؟؟

=====

بتكتب بأسلوب جميل يا بشمهندس
أحييك بشده


كل سنة وانت طيب

Lyssandra

طيوبة القلب يقول...

كل سنة وانت طيب
ياميدو

طيوبة القلب يقول...

كل سنة وانت طيب
ياميدو

Unknown يقول...

اية رأيك تشرفنا بالتواجد معنا يوم السبت؟ 13/9 هنتقابل فى مستشفى ابو الريش الساعه 3 عصرا للتبرع للاطفال
؟؟؟
وباقى التفاصيل عندى بالمدونة

Walaa Elshamloul يقول...

انت فين يا امجد؟
فين كتاباتك المبدعة؟

prince4ever يقول...

صباح الورد يا برنس
مدونتك زي العسل والله يا معلم و ربنا يديمها نعمه
بوست تمام و متابع للدنيا
أشطات يا برنس

رامي...قصاصة ورق

maioya يقول...

ياعم ده بيقولك نسبه كبيره من المدخنين
بطلوا السجاير عشان صوره عمو حمدي بلالا
بلالا اتضحك عليه وهوا كمان ضحك عليهم
يبقي يستاهل اللي يجراله
لاطايل ابيض ولااسود
وهاتفضل صورته كده ذكري :)
حد يسمع كلام الحكومه بردو :D

غير معرف يقول...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

تسنيم محمود حسين يقول...

السلام عليكم

والله احنا لا محتاجين وعود انتخابيه ولاشعبولا عشان نبطل شرب سجاير....احنا محتاجين اننا نرجع لكتاب ربنا وسنة نبيه وناخد اوامرهم واحكامهم بدون كلام.... سعتها بجد هنقدر نبطل السجاير....ومصر فعلا هتقدر تتقدم بينا

والسلام عليكم

Amgad يقول...

احمد العجوز
ميرسي يا احمد علي النصيحة
انا اسف طبعا لسماعي الموقف ده
وربنا يصبرك فراق ابوك
وميرسي بجد ليك
وربنا يتوب علينا يا سيدي
متشكر بجد يا احمد علي مرورك وعلي نصيحتك
وتمنياتك
خالص حبي

Amgad يقول...

قلب ينبض لله
ايه الحلاوة دي
منتي عارفة كل حاجه اهه
عارفة ان دي بتتباع اغلي ودي
ارخص
عموما هو وارد اوي اللي بتقوليه ده
بس بعد ايه بقي
احنا اخدنا علي الصورة خلاص
ومبقتش بتاثر
ميرسي علي مرورك

Amgad يقول...

lyssandra
شفتي بقي كلنا مضحوك علينا بس مين يفهم
ميرسي جدا علي زوقك
وميرسي لمرورك
وكل سنة وانتي طيبة يا رب دايما

Amgad يقول...

طيوبة القلب
ميدو مين يا فوزية
ههههههههههه
انتي تقصيديني انا ولا انهي ميدو بالظبط
لا ومكررها كمان

Amgad يقول...

نهر الحب
اسف والله مشفتش الدعوة الا دلوقتي حالا
بعد لما الوقت خلص
لو فيه مزيد اتمني تقوليلي وهقولك ظروفي وقتها لو اقدر اجي
ميرسي

Amgad يقول...

ولاء الشملول
مش ممكن
مين ده اللي كتاباته مبدعة بجد ميرسي يا دكتور
وميرسي علي سؤالك

Amgad يقول...

برنس فور ايفر
دانتا البرنس يا برنس
ميرسي علي زوقك

Amgad يقول...

ميوية
منا قولت اللي بطلو سجاير اتجهو لايه
يعني الموضوع بالسلب برده
بس اكيد هو يستاهل اللي يجراله
تحياتي لمرورك

Amgad يقول...

تسنيم حسن
لا فض فوكي
متفق معاكي في كل اللي قولتيه
وهو ده السبب الرئيسي اللهم اهدنا
تحياتي

Ahmed El-Agouz يقول...

امجد
اولا انا اسف انه خانني التعبير في كلمة التوبة
والله يا اخي لنا معاصي وان اختلفت ولكنا يحتاج التوبه من الله
مرة تانية سامحني وربنا يتوب علي وعليك وعلي المؤمنين جميعا
سعدت بجد بمعرفتك
الفقير الي عفو ربه
العجوز

maioya يقول...

مرضيتش ابص للموضوع بنظره تشاؤم
قولت يمكن في نسبه ولو حتي قليله
من اللي بطلوا السجاير
بطلوا كل حاجه تانيه
مش لازم يكونوا كلهم اتجهوا في مسالك تانيه :D

ابراهيم بكر يقول...

تعليق رقم 103
ههههههههههههههه
هقول ايه بئى هو انت حتلحق تقرأه
على العموم اهو تسجيل مرور

ابراهيم بكر يقول...

تعليق رقم 103
ههههههههههههههه
هقول ايه بئى هو انت حتلحق تقرأه
على العموم اهو تسجيل مرور

Amgad يقول...

احمد
لا لم يخنك التعبير معاك حق
تحياتي

Amgad يقول...

ميوية
اي هوب سو اند ويش تو
ههههههههههههههههه
تحياتي

Amgad يقول...

هنجر
لحقت اقراه ووصل تسجيل المرور
ولو مريت علي اول بوست عندي هشوفه
تحياتي