الأحد، 28 سبتمبر، 2008

تاج علي متفرج

مساء الخير او صباح الفل عليكوا كلكوا كل حسب الفترة الزمنية اللي بيقرا فيها البوست
اولا انا بعتذر عن غيابي المفاجيء دون سابق انذار واني مقولتش لحد اني هغيب
وطبعا الغيبة دي مستمرة شوية ان شاء الله لظروف خارجة عن ارادتي
وميرسي بجد لاي حد سال عليا او علي الاقل حس بغيابي
واسف لاي حد مقدرتش اوفي حقه في المتابعة
انا كنت ناوي امسي عليكوا وبس واقولكوا نلتقي بعد اسبوعين تلاته كده ولكن بالصدفة لقيت
جايلي تاجين من ابلتي الغاليه ريمان والصديقة العزيزة قلب ينبض لله قولت فرصة ادردش معاكو لتاني مرة خصوصا مليش مزاج
اكتب في الشوية اللي انا داخل فيهم دول كفاية ابراهيم عيسي اتسجن بقي يبقي لازم نبطل كتابه عشان منتسجنش ونبقي
وحشين زيو حاجه تقرف بجد .....نرجع لموضوعنا بقي
تاج ريمان

1- الحالة الجسمانية بمعنى هل سيادتك تتمتع بصحة جيدة ولا الاخ صاحب مرض ؟
انا وبحمد الله كده ربنا اخد مني كل حاجه وسابلي الصحة كح كح كح كح (كحه يعني)
الحمد لله لحد دلوقتي مكتشفتش اني عندي حاجه لحد دلوقتي اوقات ضغطي بيوطي يمكن بسبب الافراط في التدخين ولكن محبيتش اقيسه ولكن اوقات لما بسمع اخبار في بلدنا الجميلة دي بحس ان عندي الضغط والسكر والمرارة


2-الحاله الاجتماعية بمعنى هل علاقتك بمن حولك جيدة ولا عامل مشاكل مع طوب الارض ؟
هي دي الحالة الاجتماعية انا اعرف الحالة الاجتماعية اللي هي متجوز ولا لا وكده يعني
بس عموما انا مطلق واعول سوري اقصد علاقتي الحمد لله حلوة بشكل كبير وبتقبل اللي قدامي
لدرجة فوق متتخيل وعندي استعداد اتحاور واتناقش لاقصي درجة والحمد لله بعرف اتعامل مع اي
شخص بشكل كويس اوي واقدر اتعامل مع كل واحد علي قد مستوي ثقافتة وتفكيره حتي لو كان في منتهي التدني وحتي لما بنهي علاقتي باي شخص بحب انو يحتفظ عني بفكرة كويسة

3-الحاله العقلية بمعنى هل تشعر ان عقلك يعمل ولا حضرتك منيم دماغك ؟
الحمد لله في اي حال بحاول اشغل عقلي بشكل كبير وبحاول دايما اكون بفكر وبحاول اشغل دماغي
في اي حاجه عشان مخي ميعطلش ولكن في اوقات بيبقي ضروري انيم فيها دماغي

4-الحاله العاطفية مش محتاجة تفسير ومش عايز استعباط ؟
من غير استعباط وبكل بساطة سنجل

5-الحاله الروحية بمعنى هل علاقتك بربنا كويسة ولا الكلام على ابو لهب ؟
والله لو كان البوست ده من سنتين كده كان يبقي الكلام علي ابو ابو لهب كمان بس
دلوقتي الحمد لله علاقتي بربنا كويسة اوي وملتزم وحتي في اشد لحظاتي الانسانية ضعف بحس
ان ربنا قريب مني وانو بيفتحلي باب للرجوع اليه


الخمس اسئلة اللى جاية دى اسئلة متنوعة
الاول : اكتر عيب فيك ونفسك تتخلص منه ؟
الكسل

الثانى : ايه الحاجة اللى عملتها وندمت انك عملتها قوى ؟
ممممممممممم هو بصراحة كل حاجه عملتها مهما كانت سيئة رغم ندمي عليها الا اني
موقن اني طلعت بمكسب منها وبازدياد خبره وبحس اني اخدت مصل ضدها
ولكن لو حاجه محدده يبقوا موقفين فعلا
موقف اديت فيه من غير حدود لانسانه مكنتش تستاهل كده مني
وموقف كان تجربة مثيرة مع اصدقائي وندمت اني خضت فيها
االثالث : اية الحاجة اللى لسة معملتهاش وحتموت وتعملها ؟
ان مجال عملي يبقي في امريكا
الرابع : اكتر دعاء بتقوله وبتردده دائما؟
-اللهم انت ربي لا اله الا انت خلقتني وانا عبدك وانا علي عهدك ووعدك مااستطعت اعوذ بك من شر ماصنعت ابوء لك بنعمتك علي وابوء بذنبي فاغفر لي فانه لا يغفر الذنوب الا انت

الخامس: لو عرفت انك هتموت دلوقتى وقالولك اخر حاجة نفسك فيها ايه ؟
اشوف رئيس تاني غير حسني مبارك قبل مموت
واشوف بلدنا احسن من كده
واقول الشهادتين واتكل علي الله

ده كان تاج الابلة العزيزة ريمان

اللي جاي بقي تاج الصديقة الغالية قلب ينبض لله


أعطيتك ثلاث وردات .. من هم الثلاث أشخاص اللى هتهديهم الورد اللى معاك ؟؟
والله انا مش رومانسي اوي كده وبتاع ورد وحاجات من دي ولكن لو تلت وردات فعلا صعب اوي احدد تلت اشخاص
ولكن متهيالي امي هتبقي اول التلاته دول


لو أعطيتك ورقة بيها 3 سطور فقط و قلت لك أكتب فيهم اللى أنت عايزه هتكتب إيه ؟؟

ما هو هدفك فى الحياة ؟
الا اضيع حق ربي في دنيتي والا انسي نصيبي من الدنيا وابقي ناجح ومحبوب واعمل حاجه فعلا تستحق
اني اموت وانا راضي اني عملتها ويرتبط اسمي بيها


إن شاء الله بكرة هيكون أحسن من النهاردة "


هل تصدق هذه المقولة ولماذا !!
لو بالنسبالي لازم اعيش علي المقولة دي عشان يبقي فيه معني للحياة وعشان يبقي فيه مبرر لاي انكسار الواحد بيمر بيه
لو بالنسبة للبلد فانا لا اؤمن بالمقولة اطلاقا ولكن اتمني


أجمل مقولة سمعتها فى حياتك ؟؟
الا كل شيء خلا الله باطل وكل نعيم لا محالة زائل
اما مقولتي في الحياة الضربة اللي متقسمش ضهرك بتقويه

من المغنى اللى بتحبه أوى ؟؟
بحب فيروز ومنير واصالة دول رقم واحد فيه رقم اتنين كتير اوي

ايه احلي اغاني بتحبها
يووووووووووووووووووه دول كتير جدا ولمغنيين غير دول بس لو هختار لكل مغني اغنيتين
اصالة: حقيقة واقعي-اغضب
منير :علي صوتك-بحر الحياة
فيروز: امس انتهينا-كنا نتلاقي
جورج: ومشينا يا حبيبي-ليه وداعنا
كاظم: يامستبده- مدينة الحب
بجد في كتير اوي ومغنيين كتير ولو كملت مش هنخلص

غزة " تمثل لك إيه فى حياتك ؟؟
جرح في القلب لا نقوي الا علي تعميقة

أعطى لإنتمائك لوطنك درجة من مائة ؟؟
للاسف 100%وصدقوني في دي ومش معني اني بنقد قسوتها علينا يبقي مش وطني
بالعكس انا وطني بنشد وبطنطن واتباهي بمجدك يا وطنطن

لو تزوجت و أنجبت بنتين و ولدين أى الأسماء تختار لهم ؟؟
غالبا مش انا اللي هختار الاربعة هسيب المودام تسمي ولو اتنين منهم
ولكن لو كده فعلا يبقي احمد وامير وسهير وسارة

عمرك غشيت وأنت صغير؟
لا لم اسعي للغش اطلاقا سواء وانا صغير او وانا كبير وعمري مبرشمت لاني بعتمد علي ربنا دايما اوقات الامتحانات
ومبحبش اخالفة ولكن في اوقات دردشنا بشان الامتحان في اللجنة خصوصا ان في القسم الامتحانات بتوصل ل7 ساعات وبنتكلم عادي في الامتحانات حاجات زي كده لكن وانا صغير كنت مستقيم اوي وكانت امي دايما تنبهني سندوتشاتك في كيسك معلوماتك في راسك مطوتك في جيبك اللي يقولك غششني قطعه وفي الثانوي طبيعي مفيش غش وفي الكلية زي مقولتلكوا يعني حاجات شبه الغش ولكن مش الغش غش يعني

لو أتعرض عليك رشوة كبيرة و انت فى زنقة مالية هتعمل إيه؟؟
مش عارف بس لو تفكيري استمر زي منا كده ومتغيرش وبقي مادي هرفض !!!!!!!!!!!!!!!!!!

قول 3 صفات ب 3 كلمات بس توصف بيهم شخصيتك ..

صعب اوي علي فكرة اوصف نفسي ولكن انا طموح لدرجة الخيال عقلاني في تصرفاتي بشكل كبير واعتقد نفسي زكي
مقولتلكوا بلاش من الاول

برضه بكلمة واحدة ايه اهم صفة عايزها في شريك حياتك

تكون مزة ههههههههههههههههههههههههههه
طبعا هو صعب صفة واحده بس لو ضروري اوي كلمة واحده تكون (بتحبني)


ايه المجال اللى غير دراستك وشايف نفسك فيه قوي ؟؟
المحاماه


بتحب السفر ؟؟
لو ليه لازمة وهشوف حاجه جديده او هعمل حاجه لازم احبه بس لو مجرد السفر وكده اطلاقا مش بحبه

طب دلوقتى حالا ايه المكان اللى نفسك تكون فيه ؟؟
نيويورك



واخيرا سامحوني بقي في الغياب القادم هتوحشوني

هناك 53 تعليقًا:

كيارا يقول...

اوووول تعليق هقرا الاجابات واجي

كيارا يقول...

بجد التاج ده فتح مجال اكتر اننا انتعرف علي شخصيتك

بس اجاباتك جميله جدا

وبالنسبه للوطنيه مش عشان بننتقد يبقي معني كده اننا مش بنحب البلد بالعكس اكتر ناس بتحب البلد هي اللي شايله همها

كل سنه وانت طيب

عيد سعيد عليك

canary يقول...

يعنى الواحد يصحى على الصبح كدة على حاجتين؟
الاولى تاج والتانيه زعلك؟
فى الاولى طبعا ربنا يحققلك كل امانيك ويريح بالك ويرزقك بالمزة الصالحه
فى التانيه بقى انا مكنش قصدى فعلا أضايقك او ازعلك
انت أخ فاضل وانسان طيب ومحترم وانا حقيقى بحترمك جدا
و لاأتمنى قدر دوام الود والاحترام والتواصل بينا
وأسفه كمان مرة لو حسيت بأى ضيق من كلامى .. تقبل مرورى واعتذارى

ندا منير يقول...

نشوفك بقى على خير وياريت الغيبة مطولش

وعلى فكرة انا مضايقة زيك عشان موضوع ابراهيم عيسى
يارب الاستشكال يتقبل ويبقى حكم مع ايقاف التنفيذ


وحاجة جميلة قوى انك تبقى قريب من ربنا ويارب حلمك يتحقق انك تروح امريكا
مع ان السفر لامريكا بيغير حاجات كتير قوى فى الانسان ونادر لما حد يقدر ويفضل متمسك بعاداته
وربنا يوفقك دايما

اه نسيت
كل سنة وانت طيب

حمادة زيدان يقول...

امجووووووووووووووووووووووووووووووودي

حبيبي من ورايا بوست وفيه كمان تاجيين يا واد يا خلبوص

على العموم أنت والله أجمل كمان من اسئلتك دي ربنا يكرمك ويزيد يا ولا

ياللا اسيبك علشان الكحة احسن تعديني

سلاموز بقة يا بوب

enjy يقول...

يعنى سنجل و سهير فى بوست واحد يا مفترى
سهير يا امجد سهير طب وسنجل دى باى لغة بذمتك؟؟؟؟
بس سيبك انت طلعت جامد وكدة يعنى هتوحشنا والله ابقى طمنا يا ميجو..
اه اعمل ايه انا دلوقت هنكد على ميييييييييين فى غيابك؟؟؟؟

dina seliman يقول...

جميل اوى التاجين
والاجابات
بس ينفع كده اول ما اررجع واقول هنتظم
تغادر اراضى التدوين
عموما اكيد مستانيينك ترجع وبقوه

ريمان يقول...

امدووووووووووووجا

تلموذى النجيب

اللى عايزه اقرصله ودانه

مش قولتلك بلاش السجاير اللى هتبوظ صحتك دى


اسمع الكلام بقه

وبعدين انا جيت عاشن اصححلك التاج

وهتاخد صفررررررر من عشره

وفى حاجات لازم هنتحاسب فيها

هااااااااا

وفى حاجات كمده لازم اعرفها منك

واياك تخبى حاجه على ابلتك

سلاموز يا تلموذ

نهر الحب يقول...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

كوارث يقول...

هههههههههههه
اجاباتك جامده جدا
اكسلانت يا ريس
واسألة التاج غريبة اصلا
ربنا يبارك فيك..
***
كل سنة وانتا طيب ..

موناليزا يقول...

كل عام وانت بخير بمناسبة عيد الفطر المبارك اعاده الله علينا بالخير واليمن والبركات

mostafa rayan يقول...

عيد سعيد عليك يا صديقي
بخصوص السفرللأمريكا متهيألي انها لمتعد ارض الأحلام واصبحت طاردة للعرب والمسلمين
تحياتي لك يا جميل وربنا يوفق وتحقق كل احلامك

كلام وخلاص يقول...

عيد سعيد
كل سنة وانت بصحة وبخير
امريكا يا ماجد عاوز تشتغل فى امريكا
اقرا شيكاغو وقولى رأيك
عموما ربنا يوفقك ويحقق لك كل امانيك
سلام

كلام وخلاص يقول...

امجد سورى والله اتلخبطت فى الاسم معلش اعذرنى عشان طلبة طب مشكوك فى سلامة الذاكرة عندهم شغالين بالمؤقتة بس الدايمة فى اجازة

قلب ينبض لله يقول...

الأول كل سنة وأنت طيب وعيد سعيد عليك وعلي كل الناس اللي بتحبهم

ثانيا أنا مبسوطة جدا علشان جاوبت علي التاج بتاعي
وبصراحة اجاباتك كلها تلقائيه ومباشرة جدا

الا كل شيء خلا الله باطل وكل نعيم لا محالة زائل

بجد مقولة راااااااااااااااااائعة

واخيرا سامحوني بقي في الغياب القادم هتوحشوني

المرادي بس سماح أنما المرة الجاية امممممممممممم يلا أمرنا لله سماح برده :)

بس ماتطولش الغيبه

سلام

MY FATE يقول...

"غالبا مش انا اللي هختار الاربعة هسيب المودام تسمي ولو اتنين منهم
ولكن لو كده فعلا يبقي احمد وامير وسهير وسارة"
أنت إنسان محترم جدااااااااااااااااا ده عشان اخترت اسم سارة :D
وحلو أن الولدين نفس أول حرف والبنتين برضه ;)
بس عامة أنا داخلة أقول مستنين رجوعك ومواضيعك
وكل سنة وانت طيب
سلاماات

صبرني يارب يقول...

تحياتي لك

وكل سنه وانت طيب

واحد من البلد دى يقول...

السلام عليكم

البوست الجديد فى انتظارك

دمت بخير

PrInCeSS BeRy يقول...

اولا كل سنة وانت طيب واتاخرت عليك بس معلش انا جيت اهوة

التاج جامد جدا واسئلتة جامدة وانت جاوبتها حلو اوى وصريح كمان وعرتنا بيك اكتر وربنا يحققلك حلمك وتروح اميركا

قررت أكون عانس يقول...

هو المفرو اعلق على حاجات كتيرة جدا بس يعنى دماغى وجعانى بس عموما اجاباتك حلوة تنم عن شخصية محترمة

ربنا يبارك فيك ويحقق لك طموحاتك وتسافر نيويورك

أحسن تـستاهـل يقول...

ايه اللي خد تاج وجاوب عليه وبيجري ده؟؟
خد تعالى هنا رايح فين؟
نهار مش فايت!!
هو دخول النت زي خروجه؟؟

ياللا ما علينا،، بس ما تطولش انا بقولك اهوه

عيد سعيد يا أمجد وتاج لذيذ وشكلك كده بتاجوب نص اجابات ولا ضغطوا عليك شوية وحطاو مسدس في ضهرك هتقول اكتر واكتر يا حويط يا غامض ذو النضارة السوداء
الله!!
امال فين صورتك الرهيبة اللي صورهالك مخبر من تحت الترابيزة؟؟

ربنا يجعل ايامك كلها عيد
ومصر اليوم في العيد
تيراراااااا
مصر اليوم في عيد
تيرارا
مصر اليوم في عييييييد (بنكش شعري وبهز راسي) مصر اليوم في عيييييييد

:)

مها ميهوووو

mohamed ghalia يقول...

إجابات متميزة
كل سنة وحضرتك بخير
تقبل تحياتى

Abu Shahin يقول...

ايه يا بنى عشق امريكا ده


عجبنى اوى ردك على الاسئلة .. خصوصا لسؤال بتاع ايه الحاجة اللى ندمت عليها

وانا كمان بحب منير وفيروز و اصالة

ماتغيبش كتير علينا

سلام

norahaty يقول...

السلام عليكم ورحمة الله وبركاته
ترجع بالسلامة
والنجاح إن شاء الله

راعى الناقه يقول...

السلام عليكم
كيف حالك يا مجودى
ان شاء الله ترجع بالسلامه
بس اوعى تطول علشان من نقلقلش عليك
تقبل تحياتى

sa3at يقول...

السلام عليكم ورحمة لله وبركاته.... .

اخي الكريم امجد .... .

اجابتك جميلة وفوق الرائعة

واتمنى من الله ان تعود لنا والف سلامة عليك يا باشا

وارجو من الجميع حينما يقرأ الخبر أو يعلمه يدعي لأخونا امجد لانه بالفعل تعبان جداااا

ربنا يقومك لينا بألف سلامة ويحفظك من كل شر يا باشا.... .

تقبل خالص دعواتي لك بالشفاء العاجل..... .

أختك أفنان محمد المغربي..... .

canary يقول...

ألاخ الفاضل امجد

يا باش مهندس ربنا يديم المعروف بينا
والاخوة والصداقه لا تحتاج الى فقط روابط دم او لقائات دائمه
ولكنها تحتاج الى توافق روحى وعقلى
وراحه فى التعامل ومحبه وود
ويعلم الله انى ما أقصد أبدا ان اخطأ فى حق انسان او احور كلماته
وما قصدت بكلامى السابق اى تجريح او اتهام بالنفاق او المجامله
وما قصدته ان هناك البعض يفعل هذا وانا لست منهم
انا حقا توقفت عن الكتابه لانه ما عاد لدى ما اقوله
وكررت هذا الكثير من المرات واى شئ اكتبه لا اشعر به يصبح نفاق
وأبدا لم اكن منافقه او اكتب لمجرد كلمات الاعجاب
فقط اكتب ما يملأ ... او ما كان يملأ قلبى وعقلى
وزى ما قولت قبل كدة انا قاعدة على قلب البلوجر لحد ما يقفلوة هههههه
وفعلا يشرفنى معرفتك وصداقتك وبرضه عزامك على الصور فى المدونه التانيه بتاعتى
ومازلت مصرة على حضورك وتهنئتك

سمعت انك تمر بحاله صحيه معينه . أرجو ان يكون الكلام غير صحيح
وان تكون فى أفضل حال
او دعواتى لك بالشفاء والصحه أن شاء الله

Gilan يقول...

ايه دة
نزلت البوست دة امتي
؟؟؟؟؟


وبعدين مين الى بيجاوب دة
؟
لااااااا
مش مصدقه بجد



زحلاااااانه
سلاام

Amgad يقول...

كيارا
ميرسي ليكي وكويس انك معايا
ومتوافق معاكي تماما
وكل سنة وانتي طيبة
وعيد سعيد عليكي

Amgad يقول...

كناري
خليكي معايا كلامنا في الاخر

Amgad يقول...

ندا منير
اهو اخد عفو يا ستي عشان دعواتك
علي فكرة موضوع امريكا ده مش حلم
دي امنية يعني حاجه اتمناها ولا اسعي لتحقيقها
ولكن شايف اني لو هناك هيبقي الوضع احسن
وانا ضد ان اي حد يسيب البلد
ولكن دي امنية هبلة
تحياتي ونشوفك كل خميس ان شاء الله

Amgad يقول...

حموووووووووووودي
الكحة مبعديش حبيب يا ريس
كل سنة وانت طيب ياواد
ودايما متالق

Amgad يقول...

انجي
اديني رجعت اهو يا ستي
عشان ننكت علي بعض مش ننكد
هههههههههههههههههههه
بهزر طبعا علي رايك
ههههههههههههههههه
تاني
سنجل يعني مش مورتابيشت
هههههههههههههههههههه
تالت
اما موضوع سهير فخليه بيني وبينك
سلامات

Amgad يقول...

دينا سليمان
ميرسي ليكي
وادينا رجعنا اهه بس مش بكوة
مستنيين بقي وجودك بكوة
خالص تقديري

Amgad يقول...

ريمان
انا اقدر برده يا ابلة اخبي حاجه
بس اخث عليكي يعني صفر بس
عموما هبقي اخد درس عندك عشان يزيد
تحياتي

Amgad يقول...

نهر الحب
اللهم امين
ميرسي ليكي وكل سنة وانتي طيبة

Amgad يقول...

كوراث
ميرسي ليكي وربنا يخليك
ومتحرمناش من مرورك
وكل سنة وانت طيب
بس مش موجود
ده علي اعتبار انك كوارث
باااااااااايخة
ههههههههههه
تحياتي

Amgad يقول...

موناليزا
وانتي بالف صحة وسلامة
تحياتي

Amgad يقول...

مصطفي ريان
كل سنة وانت طيب يا صاصا
ربنا يخليك ليا يا غالي هههههههههه
بخصوص امريكا ده حلم مش طموح
يعني حاجه في خيالي بس مش هعمل اني احققها
مش هتفهمني انا عارف

Amgad يقول...

كلام وخلاص
ربنا يخليكي
سواء امجد او ماجد
انا عازرك
قريت شيكاجو ومش لازم نهاية الرواية تحصل معايا يعني
عموما زي مقولت ده حلم معداش علي مرحلة الطموح
يعني مش في دماغي
تحياتي

Amgad يقول...

قلب ينبض لله
اولا كل سنة وانتي بصحة وسلامة

ثانيا
انا مبسوط اكتر ان التاج منك

ثالثا
ميرسي ع السماح
خالص تحياتي وتقديري

Amgad يقول...

سارة ما فات
ميرسي ليكي يا سارة
شفتي بقي
اهو انا اخترت سارة ده عشانك
واسعة شوية مش كده
هههههههههههههههه
عموما يا ستي ربنا يخليكي
ومتحرميناش من مرورك
خالص تقديري

Amgad يقول...

صبرني يا رب
تحياتي انا كمان

Amgad يقول...

واحد م البلدي
ميرسي

Amgad يقول...

بيري
ميرسي ليكي بجد
وحمدالله علي سلامتك
ومتحرميناش من طلعتك
خالص تحياتي وتقديري

Amgad يقول...

قررت ان اكون عانس
اقولك حمدالله علي السلامة
ومرور بعد غياب طويل يا ريته يتكرر تاني
سلامة دماغك وميرسي ليكي
خالص تحياتي

Amgad يقول...

مهاميهو
ايوة يا فندم
حلو دخول النت زي خروجه ده
ياااااااااه
بختصر دانا حاسس اني مطول اوي
يالا عشان متزهقوش بس
الصورة موجوده يا فندم
بس في خلاف مع المخبر حوالين حقوق الملكية الفكرية فعشان كده شيلتها
بعدين احييكي علي الدماغ الجامده مصر اليوم في عيد

خالص تحياتي

Amgad يقول...

محمد غاليا
ميرسي ليك
وكل سنة انت طيب
وتقبل انت تحياتي

Amgad يقول...

احمد شاهين
مش عشق ولا حاجه
في وجهة نظر ليا في الموضوع هبقي احكيلك عليها
عاجبني اوي حبك للثلاثي بتاعي
واكيد دماغ جامده زيك لازم تسمع دول
خالص تقديري

Amgad يقول...

دكتورة نور
وعليكم السلام ورحمة الله وبركاته
الله يسلمك
واديني رجعت اهه يا ستي
ميرسي لسؤالك الدائم بجد
وربنا يخليكي لينا
خالص تحياتي

Amgad يقول...

راعي الناقة
دلوقتي بخير الحمد لله
وميرسي لسؤالك وربنا يخليك
خالص احتراماتي وتحياتي

Amgad يقول...

افنان
ايه يا بنتي خضيتي الناس
الحمد لله بقيت بخير
وبجد لو قعدت اقولك ميرسي علي اسالتك من هنا ليوم التلات مش هوفي جمايلك
ميرسي ليكي يا فنونة ويارب تكوني بخير دايما
حبي واحترامي

Amgad يقول...

كناري
انا كنت ناوي اكتب رد
اتخانق معاكي فيه علي اصرارك علي الغياب
بس مش هقولك اكتر من عودا حميدا وويلكم باك
ومتفكريش تعمليها تاني
وطلع عندي حق لما قولتلك مش بسهولة
لما السليقة الاصيلة تنضب
ومفيش اي مبرر للحكم علي كده
الصور شفتها طبعا واخوكي زي مقولتلك عسوول اوي
ميرسي ليكي علي سؤالك
وتقبلي عصارة امتناني وشكري وتحياتي